Rongorongon te Ekaretia n taai ake Ngkoa ni Kabuta te Aonaaba
Inria
Inanon 1849 uoman kaimoa man te Moomon a borau nako India. I Calcutta a moana aia reirei iaon te euangkerio n akea ataakina man te Tautaeka. Inanon 1851 Joseph Richards e roko bwa e na moana aia mwakuri mitinare n te aba aio. E bwabetitoia naake a moan kaaina te Ekaretia i India ao e a baaronga te mwaanga teuana. Inanon 1852 mwaitiia membwa 189. A waekoa ni katea aia umantabu ae uarereke—ana moan kateitei te Ekaretia i Asia.
Inanon te tienture are imwiina, e boni ngae n anne, a bon inimaki mitinare ma aia kekeiaki. Ma inanon 1978 uoman mitinare a moana aia mwakuri bwa taan tei ibukin te Ekaretia ni buoka te Ekaretia bwa e na kinaaki ao ni kakorakoraia membwa.
Man te tai anne ana Boki Moomon e a tia n rairaki nakon 5 ma ibuakon 20 ana taetae India aika a rangi ni bubura n aron: Hindi, Tamil, Telugu, Urdu, ao ake a rineaki i Bengali. Te India Bangalore Mission e moan kateaki inanon 1993. Inanon 2007 te India New Delhi Mission e kateaki bwa e na taraa India meang ao aaba ake a mwaiti irarikina.
Te Ekaretia e a tia ni karekea kinaakina n te aba ae bwanin ibukin ana mwakuri ma ae e riaon 50 kurubu ake a mwakuri ma aomata ake a kainano n te aba.
Te Ekaretia i India | |
Kaain te Ekaretia |
8,200 |
Mition |
2 |
Aono |
6 |
Mwaanga |
30 |