Beretitentii n te Reirei n TabatiReiakinan Taabe aika a Kakaawaki
Ni katoa Taabati n te Highland Utah te katenibwi ni Uoote, Richard Christiansen ao ana kauntira n te Beretitentii n Reirei n Tabati a rinanon te baaire are a taneiai ni karaooi katoai unite n te Ekaretia. A kakoaua raoi bwa reirei ni kabane iai aia tia reirei ao ni buokiia ataein te reirei n roko man kawai nako nakon ruu n reirei.
E ngae n anne, Tari Christiansen e maatata raoi bwa tabena kairaia ataein te reirei ao n tangin te beero ni kaota tokin taian kiraati.
Teuana mai ibuakon katabean te kooram teuana ma teuana ae moan te kakaawaki ao taan kairiiri n te bootaki bon reiakinan tuua aika a kakaawaki nakon te kamaiuaki. Tibwangan te Beretitentii n te Reirei n Tabati, n aron te Tari Christiansen ma ana kauntira, a na bon buookiia mataniwii ni bootaki nako ao taan kairiri n te nakoanibonga n te mwakuri aei bwa ana riki taan reirei ae mwaatai inanon te uoote.
“Te anga reirei bon te moanibwai n te Ekaretia are e na kakorakoraia kaain te ekaretia, ni buokiia ni kateimatoa aia kakoaua ni Kaokan bwaai, ao ni karekea te kamaiuaki ao te karietataaki,” e taku Russell T. Osguthorpe, te beretitenti n te Reirei n Tabati ni Kabuta.
Ngkai te beretitenti n te uoote n te Reirei n Tabati, te Tari Christiansen iai katabeana ni beku ao ni ibuobuoki ni karekei bwaai ibukiia kaaro, taan kairiiri, ao taan reirei ni buoka katamaroaan te kairiri are e karaoaki n te mweenga ao n te Ekaretia.
“Te anga reirei boni ngaia te bwai ae e rangi ni kakaawaki, ao n riki bwa te tia reirei ae mwaatai ni buokiia tabeman ni kaungaia n reireinaki,” e taku te Tari Christiansen.
Teuana te bwai ni mwakuri irouia Beretitentii n te Reirei n Tabati’ are a kona ni kabonganaa bon te tia reirei ibukin katamaroaan te kawai are e kona n anga n tain te Reirei n Tabati. N te kooti aei ao iai 12 reirei are e kuneaki n Teaching, No Greater Call boki n reirei are a kona n reirei iaona kaain te beretitentii n te Reirei n Tabati iaan ana kairiiri te bitiobi.
“Aio te kawai are e rangi ni ibuobuoki nakoia kain te Ekaretia ake iai nanoia ni katamaroa aia konabwai n anga reirei,” te Tari Osguthorpe e taku, tao n te mweenga ke n te umwa n reirei. “Reirei a ibuobuoki nakoia taan ongora n reiakina aron te anga reirei ma te Tamnei, aron kaoan ae kakaonimaki, mwaatai ni karekea te rabakau, ao aron te reirei bwa aonga membwa ni kona n ingainga ni karaoi tuua n te euangkerio inanon maiuia.”
Ni kaineti ma Tari Osguthorpe, te beretitenti n te Reirei n Tabati n irii maroro n te kauntira n te Uoote n tainako e taekinna inanon te Church Handbook of Instructions, Book 2, bwa a aonga n ata ana kouru te bitiobi ibukiia membwa n te uoote ao ni kona ni uaia ni maroro n aron katamaroaan te ibuobuoki n angareirei bwa e aonga ni kakoroi bukin taian kouru aikanne.
N tain te maroro n te uoote ke te mwaanga te beretitenti n te Reirei n Tabati e kona ni kaoaki iroun te bitiobi ke te beretitenti n te mwaanga bwa e na katauraoi kairiiri iaon tuua ni kaineti nakon te angareirei iaon te euangkerio ao te ataibwai. Te Tari Osguthorpe e kabwarabwara bwa e kona naba n riiboti iaon rorokoia te roronrikirake ao kairake n Ikawai n te Reirei n Tabati ao ni kaoia tabeman bwa ana ibuobuoki taan kairiri ni uoote ake tabeua ni buokiia ake a kan kaotaaki.
“Te bwai ae moan te kakawaki n ana reirei te Ekaretia e karaoaki ni mweenga ike kaaro aika a kakaonimaki a maiuakinii tuua ao n reireiniia natiia tuua akanne. Taian mataniwi a tei ni boutoka te mweenga n te nakoa ae moan te tabu aei. Te beretitentii n te Reirei n Tabati bon te aomata ae kakaawaki n te uoote ni uaia ni buokiia kaaro ao taan reirei ni kakoroi bukin mwiokoaia,” e taku te Tari Osguthorpe.
Angareirei aika a nakoraoi n te euangkerio n aia itera kaaro ao taan kairiiri n te Ekaretia e kona ni kakorakora aia koaua membwa ao ni buokiia n oki nakon Kristo, e taku.
“Oin tii te kawai ae kakoauaaki ni bairea aron tamaroan te angareirei iaon te euangkerio [n te uoote] bon tarataraakiia kaina aika a rangini kakaonimaki. Ngkana a mwaiti riki ataeinimwaane aika a nako ni mitinare, ngkana a mwaiti riki roronrikirake aika [ikawai rake ao] ni mare n te tembora, ngkana a mwaiti riki kaaro ni wareki booki aika a tabu, ni karaoi aia kainutu n te tairiki, ao n tataro n te tembora n tainako, te reirei e tabe n rikirake.”