Unimwaane Dallin H. Oaks n te Kooram n te Katengaun ma uoman n Abotoro are e a tibwa taetae nakoia ataein te reirei n te Tua I Harvard n tain te kanimaua n ririki n te aro ni Moomon n te 101 ni Mwakoro.

Ni katoa ririki ao membwa n te Ekaretia a kaoaki man te Reirei n te Tua ae Harvard Ataein te Reirei aika a Itiaki ni Boong aika Kaitira n taetae iaon aia koaua kaain te Moomon ao ni kaekai titiraki ake ana titiraki iai ataei.

Unimwaane Oakse kabwarabwara ana koaua te LDS iroun Tamara are I Karawa, Iesu Kristo, ao te Tamnei ae Raoiroi bwa teniman aomata, aika a kakaokoro ao a katiteuanaaki n aia mwakuri. E kabwarabwara naba taekan te maiu rinanon te kabwarabwara ae uarereke n te babaaire ni kamaiu.

E tibwa ana koaua iaon Iesu Kristo ao mwaakan te Mwakuri ni Kamaiu, n taekinna, “Irou, te kamimi n ana Mwakuri ni kamaiu Iesu Kristo e bon aki kona ni kabwarabwaraaaki, ma te Tamnei ae Raoiroi e a tia n anga te kakoaua ni koauana, ao I kakatonga bwa I kona ni kabanea bongin maiu n tataekinna.”

E reitinako ni kabwarabwara aron te Ekaretia ni katan iaan bwaai ni kakoaua, n ikotaki ma te kaotioti ni boong aikai ao booki aika a tabu.

“Ti aki kabaeaki iaan wanawanan te aonnaba ke rabakauia aomata—e ngae n anne katei ke aron karineaia ake e reke irouia,” e taku. “Ara koaua iroun Iesu Kristo e boboto iaon te kaotioti mai iroun te Atua ao Ana burabeti ao nakoira n tatabemaniira.”

N ana moan maroro te Mataniwi n te Aro ni Katorika n te Brigham Young University, ni Kinakin Francis Cardinal George e taekinna bwa Catholics ao Latter-day Saints a riai n uaia n tei ni katana inaomatan te Aro n te United States.

“Ngkana e aki tokanikai te tautaeka ni katana aia kantaninga kaain abana, e kabwaka nakon rabwata n te aro riki nakoia ake a kateaki man ana euangkerio Iesu Kristo, n riki bwa taan katana inaomatan te aomata,” e taku.

Cardinal George, te Aakebitiobi mai Chicago ao te Beretitenti n te United States Maungatabu ni Katorika ibukiia Bitiobi, e taetae nakon te kurubu 12,000 Ataein te Reirei ni Boong Aika Kaitira ao taan reirei n te Marriott Tienta i Provo, Utah, USA.

E kaota ana kakaitau ngkai “Katorika ao Aomata Aika a Itiaki ni Boong aika Kaitira a tia n nooria bwa raao aika a kona n onimakiniia ibon irouia n tibwai moan tua iaon te maiu n rabwata.”

Ni kauoua ekaretia a tia n tei ni kaitarai taekan kabwakaan te teei, tamnei n tangako, ao mareakiia mwaane nakoia mwaane ao aine nakoia aine, anne are e taekinna.

“Te inaomata n te Aro e aki kona ni kauarerekeaki nakon te inaomata n nebonebo nakon ana kantaninga temanna ma temanna,” e taku. “Te inaomata n te Aro e nanonaki bwa bootaki n aro ao aomata ake a taua te aro iai inaomataia ni karaoi aia waaki n ana tabo te botannaomata.”