Kaonakin te Aonaaba
E wewete Beretitenti Monson nakoia Aomata Aika Itiaki n Boong Aika Kaitira bwa ana reitinako n aia onimaki ao ara tataro “bwa tabo ake memere namakinan ara mwakuri iai ao n tabo ake kariaia tibwauan te euangkerio iai” ana kaukaki (tara te sidebar iaon iteraniba 25). E kaota rongorongon mwiin te boowi n te 1974 ngke e weteia Beretitenti Spencer W. Kimball (1895–1985) taan kairiri n te Ekaretia bwa ana mwakuri korakora ao ni karikirakea aia mwakuri ni mitinare ae tabangaki n te aonnaba ao “ni kakaai taian king ake a tia ni bane ni bua nakoia aba aika a mwaiti are mai iai ti kona ni kauki aonaaba akanne.”1
Beretitenti Monson e berita bwa kakai a kona n riki ngkana ti reitinako n ara onimaki ao ara tataro. E a tia n ataia man bwaai ake e a tia n rinanona bwa a bon bane ni koaua. N ririki ake imwina imwin ana kakaewenako Beretitenti Kimball, e nora te bitaki ae mwaiti n rikiraken mwaitia mitinare ao te bwabetito mairouia ake a rairaki.2 E kakoaua kaukan mwakoro aika a mwaiti ngkai Aomata Aika Itiaki ni Boong Aika Kaitira a ongotaeka nakon ana bubuti Beretitenti Kimball bwa ana tataro bwa te botannaomata n te aonnaba ana kauki aia mataroa ibukin kabutan te euangkerio. Beretitenti Monson e rang korakora ana ibuobuoki ni katean te Freiberg Germany Tembora. E kakoauai naba kaukan tabo nako ibukin kabutan te euangkerio mwiin bwakan te Oo ae te Berlin Wall n te 1989.3
Ngaia ao burabeti ni kabane ni Boong aika Kaitira man te tai are e Kaokaki iai te euangkerio man ataaki bwa taeka aika a koreaki mai iroun te Burabeti Iotebwa Timiti ni Maati 1842 a bon koaua: “Aron tein te Koaua e a tia ni manga kateaki; akea te bwai ae aki mimitong ae kona ni katoka te mwakuri man rikirakena; te bwainikirinaki e kona ni kakamaku, taan iowawa ana kona n ikotaki, taan buaka ana botaki, taeka n uarao e na kakea kinaakina, ma ana koaua te Atua e na wakinako ma te ninikoria, te karineaki, ao te kainaomataki, ni karokoa e ninii aba aika bubura, ni kawari tabo nako, ni kaitiaki aba nako, ao n tang n taninga nako, ni karokoa ana kantaninga ni kabane te Atua ana bane ni kakoroaki bukiia, ao Iehova ae mimitong e na taekinna bwa e a tia te mwakuri.”4
Ti na boti ara onimaki ao ara tataro n te aro bwa aono ake a kainaki a nang uki ao kakai ana riki ngkai ti butimwaai kakawenako mairoun Beretitenti Monson.
Mai nano: Beretitenti Heber J. Grant e katabua te Cardston Alberta Temple n Aokati 26, 1923—te moan tembora ni katabuaki i tinanikun te United States. Atai: Te tiabora ae tirewa e kamanenaki iroun Unimwaane David O. McKay ni kawenea atibun maninganingan te tembora n te 1915.
Maing: Samuel H. Smith, tarin te Burabeti Iotebwa Timiti, ibuakoia taian moan mitinare ake ana kabuta te euangkerio n te United States. Mai ieta: Moan mitinare ngkoa ake a nako England a kunea bwa e rangi n nakoraoi butin te euangkerio, ao aroia mitinare ake a nako Scandinavian ao mwakoron nako aban Eurobe.
Maing ao Eta: Te umantabu ae te Gadfield Elm chapel i Malvern, England, te moan ao te kabanea ni maan n umantabu irouia Aomata Aika Itiaki ni Boong Aika Kaitira. N te 1840 Unimwaane Wilford Woodruff e rairia 600 membwa n te United Brethren ake a bobotaki ikai. A bwaintangira aia umantabu nakon te Ekaretia, ao e riki bwa ngaia aia tabo ibukin karaon te mwakuri ni mitinare n te aono anne. Imwiina a kaboa nako ni buokia membwa bwa ana botaki i Tion.
Tamnei iroun David Pickup
Te kaibuke Ellen Maria e katauraoia ni borau mai Liverpool, England, nako America ni Beberuare 1, 1851. N te tai anne, e raka iaon 50,000 Aomata Aika itiaki ni Boong Aika Kaitira ake a maeka n te British Isles. Kitanan te aba e bon nakoraoi mwiin katauraon te Mwane ni Ibuobuki ibukia ake a kan kitana te aba, ike a kona n tangomwane iai Aomata aika Itiaki ni bong aika Kaitira ake akea aia mwane ma te berita bwa ana manga kabwara aia tangomwane n te aro ake tabeman a kona ni manga mwaing. Nga ma nga aika a rairaki ake a kitana abaia man raonia aomata aika Itiaki i America.
Te Maing: Tamnein Samuel H. Smith, iroun D. J. Bawden; atai: Tokaia Aomata aika Itiaki i Liverpool n te kaibuke, iroun Ken Baxter
A mwaiti “aba aika uarereke iaon tari” ibuakoia tabo ike e a tia euangkerio ni waaki iai man n te 19 n tienture. Mai tabona n te maing: Te tabo ibukin autinibobotaki n te 1882 i Hawaii e a reke bwa te tabo ibukin te Laie Hawaii Temple, are e tia raoi n te 1919 (maing). Inano n te maing: Imwiin nakoia mitinare nako New Zealand n te 1854, e rikirake te euangkerio. Mai nano: Katotongan te Stela 5—teuana mai buakon 80 ni kanuringa i Izapa, Chiapas, Mexico—e ataki bwa atibun te Kai-ni-Kamaiu a ao e tei ni kabwarabwara miin Riaai (tara 1 Nibwaai 8).
Maing: tamnein autinibobotaki n te 1882 n ana mwamwannano Church History Museum; Mai eta: Te Berita, iroun Al Rounds; Mai inano n te maing: Kateitei ngkai ibukin te maiu ae Akea Tokina, iroun Sylvia Huege de Serville, Te Kaua ni Kauaaba ni Kabo ae Tabangaki n te Koro tamnei; Mai nano: Miin Riaai, iroun Araceli Andrade, Te Kaitiua ni kabo ae Tabangaki n te Korotamnei
Atai: N te 1960 a mwaiti kain Nigeria ao Ghana ake a rikirake aia koaua man warekan koroboki man te ekaretia. Ngke a roko mitinare n te1978, te bubua tabun kain Aberika ake a tauraoi ni bwabetitoaki. Inanon teuana te ririki, iai 1,700 aomata ake a tia ni bwabetitoaki ao ni kamatoaki.
Mai eta: Tamnein te bwabetito i Nigeria n te 1978 iroun Janath Cannon; Mai eta: Te Katabuaki i Sierra Leone irouia Aomata Aika Itiaki ni Boong Aika Kaitira, iroun Emile Wilson; Atai: Te Bwabetito i Sierra Leone, iroun Emile Wilson
Ieta: Kain Asia a bukamarua rokon Beretitenti Hinckey ma buna Marjorie n te1996. Mai ieta i nuka: Kain Atia ao tamneia Aomata Aika Itiaki ni Boong Aika Kaitira ake a katomimia membwa mai Taiwan, e kaotia bwa te euangkerio e kona ni mwakuri ma katei nako. Mai eta n te atai: Unimwaane Heber J. Grant (mai nuka), ma mitinare, a katabua Tiaban ibukin te mwakuri ni mitinare n te tabo aei n Tebetembwa 1, 1901. Maai eta: Unimwaane Francis M. Lyman, te Abotoro, a ikotaki ma tabeman taan Kairiri n te Ekaretia n Aokati 1903 i St. Petersburg, Russia, ni katabua Russia ibukin tataekinan te Euangkerio.
Mai ieta n te maing: Rikirakeia Remanaite Titebo ma te Rooti ae raure n te Karereua, iroun Maria Gladis Barrientos de Monterroso, Te Kateniua ni Kabo ae Tabangaki n te Koro Tamnei; maing: Ana moan Kaotioti Iotebwa Timiti, iroun Januza Mostyl, man ana anganano te Tabo ni Kawakin Rongorongo n te Ekaretia; mai eta n te atai: bannan Beretitenti Hinckley iroun Gerry Avant; mai eta i nuka: Unfading Missionaries, iroun Jueling Chen, Te Kaua ni ni kabo n te Koro Tamnei ae Tabangaki, e riai n aki katotongaki; mai eta man atai: bannaia mitinare I Tiabaan man ana anganano te Tabo ni Kawakin Rongorongo n te Ekaretia; atai: Katabuan Russia, iroun Emin Zulfugarov
Maing: Taian kara ao taian itutu aikai a karekea te korakora n aron rikiraken te Ekaretia i Mexico, i Amerika Nuka, ao Amerika Maiaki inanon te man ae e raka iaon 50 te ririki. Membwa aika a tangira ana Boki Moomon ao ni kairaki nakon te tembora, n tei ibukia ikai bon te Guatemala City Guatemala Tembora. Inano: N te tai aei e raka iaon 1,500 membwa ake a maeka i Poland, te aba are e rang n rotaki n te Kauoua ni Buaka n te Aonnaba. Aia koaua a ribanaki raoi man te onimaki ae ti teuana n aron are a bane n onimaki iai Aomata Aika Itiaki Ni Boong Aika Kaitira n aron, te Moan Kaotioti (are kaotaki inano iroun te tia korotamnei mai Poland).