Tera kakawakin aia Bong Baeoniia? E bukamaruaki ni kabuuta te Ekaretia?

Aia Bong Bwaeoniia e kauringa rokoia kain te moan kurubu ni bwaeoniia n te Moomon n nako n te Marua i Salt Lake, n Tuurai 24, 1847. Iaon Utah bon ana bong ni motirawa te aba, ao te ikotaki ni bukamaru, n ikotaki ma te mwaati, are e kaineti nakon Days of ’47 (Boong aika 47). Bon te tai ibukin kinakiia aomata ake a tia n anga aia ibuobuoki ibukin kateakin te aba, n aki tara te aro ke rongorongoia mai imwaina.

Irarikin anne, Aomata aika a Itiaki n taabo aika a kakaokoro ni kabutaa te aonaaba a kona n reita naba aron kinakin rongorongoia ma aia katei bwaeoniia are ti ria n tibwauaia. Tabeua taabo a karaoi aia kamataku, a mwaati, a kaotioti, ao a karaoa aia mwananga ae abwabwaki n te aenikaa bwa kanga iteran te bong ni bukamaru. N taabo nako, te kanuringa e taraa n ae e bebetet n ai aron ana mwananga te utu ke oin ana tai temanna n uring tamnein bwaai aika a tia n riki n taai aika a maan. E aki kakawaki bwa a maeka n te tabo raa kaain te Ekaretia, e aki kakawaki ngkana iai te bukamaru ae karaoaki raoi ke tii te miniti ni iango, bon te tai ae e butimwaeaki ni kauringa te bwai are a tia ni karaoia Aomata aika a Itiaki ngkoa ibukira ni kabane, n ikotaki ma bwaeoniia n te aba are a tia ni kakorakora te Ekaretia n te tabo are ko mena iai.

Beretitenti Dieter F. Uchtdorf, te Kauoman n Kauntira n te Moan Betetitentii, e taku: “Bon te kimwareirei te tai aei n te Ekaretia ae tabangaki n reireinaki ao n tabekakirake irouia burabeti, taan mamata, ao taan kaotioti! … N aron ngkai rongorongon ana euangkerio Iesu Kristo are e a tia ni kaokaki ngkai a tia ni butimwaeaki ni kabutaa te aonaaba, boni ngaira ni kabane bwaeoniia n te tabo are tina rootaki iai ao ni bwaai aika a riki.”¹