Kakaean te Mweenga n te Euangkerio

Ngke I ikawairake i Perth, Australia, taekan te aro irou bon tiaki te bwai ae I kakaraoia ni katoatai. I aranaki man bwabetitoaki n te Ekaretia ae te Methodist, I kakaei reirei aika a mwaiti, ao n taai tebetai I iriira te taromauri n te Baptist ma tibuu te unaine. N teimatoan akean te tamnei, te tataro e taraa n ae e teimatoa irou, te kaaitau nakon tibuu te unaine, are e a tia n tibwaua ana onimaki ao n reireinai ni wareware man te Bwaibwara. I kakaitau nakoina n aron teimatoana nakoiu ni kaira maeu, irarikin aki reken ake I angoi ni karekei n te aonaaba, ma I kukurei bwa I moana katean au koaua iroun Iesu Kristo. Ngke I ururing rikaaki, I ataia bwa Tamau are i Karawa e katauraoa nanou ni butimwaaea te euangkerio are e kaokaki .

Teuana te bwai ni katauraoi ae e riki ngke I reke n te kabuanibwai n te kaa inanon au tai ni kawara France. Tabeua te tai imwiina I a tuangaki n te kauring ae matoatoa bwa N na kabaea au roo, te kaa e tikeera ao man bwaka nako naano n te karaabe ae 20 te buuti(6-m). Ibukin te bwanaa ni kauring ao ibukina bwa I a manga kona ni kamanena rauraun waeu ma rangau ni kabotauaki ma ake a tia naba n reke irouia te aekaki ni kabuanibwai aio ao n taainako a bon reke irouia te mauku are akea tokiia, I moanna n ataia bwa te mwaaka are ma iroun te Atua e rangi ni korakora riki nakon are I kona n taua arona.

Uoua te ririki imwiina, ngke I aokira France bwa ataein te reirei ni kaaibibiti, Kayla Barth, raou n reirei mai California, e ninikoria ni kaoai bwa N na taromauri ma ngaia. Kaotan kukurein Kayla ae korakora man akea tiana ibukin te euangkerio e kamimiai. I bane n taui ana taeka ake e tibwauai ibukin te baire ni kamaiu. I a bane n tataneiai iai, n aiaron ae I a tia n ongo ma imwaaina.

Ngke I nakonako n rinnako inanon te umantabu ae Angoulême n au moan tai, aiaron ae ti tebo ma ko niniraki inanon te burangkeiti ae eaa bue. I a tia n roko n te “mweenga.” N te bong anne naba, inanon te kiraati n te Gospel Essentials, te mitinare are e anga reirei e tibwaua te koaua ae korakora ibukin te Moan mii ni burabeti. Ngke e kabwarabwaraa bwa e kangaa te Tamnei ae Raoiroi ni kakoauaa nakoira, te aabue e otinako mai nanou ao ni kaonrakea rabwatau ni kabutaa. Te kakoaua ae rangi ni korakora aio e a katikua te namakin ae e aki kona ni bua ma irou, ngaia are e a tia ni uotai rinanon kataaki ake a tia ni kataa au onimaki.

Tao teuana te namwakaina imwiin moan riniu inanon te umantabu i Angoulême, I a baireia bwa N na bwabetitoaki. Ai bon 18 au ririki ao n aki kainanoa aia kariaia au karo. Ma ngke I a tareboonia au utu i Australia ma te rongorongo ae kakukurei, I bon tiaoki ao n aki kukurei ni kunea bwa a aki kukurei n taekan te Ekaretia ao a totokoa au kainano ni kan bwabetitoaki.

Aio are e a bon kananokawakai. E riai bwa N na kaaitara aia babaire au utu, aika I rangi n tangiriia? Ke e riai bwa N na taona te bwabetito ni karokoa ae I aoki nako Australia, ike N na kaaitarai totoko aika a korakora riki?

Mataio 19:29 e buokai ni karaoa au babaire: “Ao ane kitana batana, ke tarina, ke mwaanena, ke tamana, ke tinana, ke natina, ke abana, i bukin arau, ao e na anganaki tebubua, ao e na reke irouna te maiu are aki toki.” Bon ngai ae I tauraoi ni katuka te Tia Kamaiu i moa—e ngae ngke imwaaia au utu? Te kaeka bon eng, ao n Ritembwa 16, 1989, I bon bwabetoaki ao ni kamatoaki bwa te membwa n Ana Ekaretia Iesu Kristo Ibukiia Aika Itiaki ni Boong Aika Kaitira. Nikiran au tai i France e bon onrake ma te kukurei ae rau ae I tuai man ataia ma imwaaina.

Ngke I a okira Perth, au utu a butimwaeai ma te kukurei. Ma au kekeiaki ni kan tibwaua te euangkerio ma ngaia e bon kaaitaraaki ma te totoko ae matoatoa. A bon karaoi naba babaire ibuku bwa N na noriia “taan rabakau” n taekan te aro ake ana kona ni “kaotaai” ao ni buokai n noora te “kaairua” ni kawaiu are I a tia n rineia. Aio bon kataakin au onimaki ae e rangi ni bubura, ao imwiin e kakinakoan te Moomon ma rongorongo aika aki rangi ni koaua, I a bon manga bon titirakinai ibukin au babaire.

Ma inanon ruun buroou ake akea te karongoaa iai, I aki kona ni kakewea te bwai are I a tia n rinanoia i France bwa bon ma iroun Te Atua, ao ai ngaia are I bubutia Tamnein te Uea bwa e na kakorakoraai. I aki mamatam ao I taatataro ni katoa Taabati inanon wiiki, I a taunai inanon booki aika tabu, I karekei kakabwaia man te nakoanibonga ibukin te kairiiri ao te korakora, ao I riira te taromauri ni katoa wiiki bwa I aonga n reitaki ma Aomata aika Itiaki. N onea mwiin menau iaon bwaai aika I aki oota iai ke n aki ataia, I a karaua n tarai bwaai ake I bon atai: Ngai natin te Atua, Iesu bon te Kristo, Iotebwa Timiti e kaoka ana Ekaretia te Uea, ana boki Moomon ao te Bwaibwara bon ana taeka te Atua, te utu akea tokina. Ma te taratara ae boou aei, au kakoaua e moanna n rikirake ao ni korakora riki.

Te kabanea ni kakaewenako are N na kaaitara ma ngaia n te ririki anne bon taekan au mare n te Tembora ao aki rokoia kaain au utu. Te kairake ni mwaane are I a tia ni kaaitibo ma ngaia i France ao are I rereitaki ma ngaia e roko mai California bwa e na kawarai inanon te maan ae teniua te wiiki. E rikirake ni maataata nakoira ni kauoman bwa ti tangiria ni mareaki, ma I manga kaaitaraaki ma te babaire ae matoatoa riki teuana: N na mareaki n te tembora bwa N na kabaeaki ibukin te tai ao n aki tootoki, ke N na mareaki n te tabo teuana bwa aonga n roko au utu n tain te bootaki?

I ira ana taeka n reirei au beretitenti n te titeiki ao ni mareaki n te tembora inanon Beberuare 1991. N te tai anne, a rangi n rootaki au utu n te maraki, ma a tia n ataia bwa te Ekaretia te kakabwaia inanon maiu. Ngke a tabe n tarataraia natira n rikirake inanon te euangkerio, a tia ni kaota aia kakaaitau ibukin bwaai ake ti reireiniia ao ibukin aekakiia aomata ake a rikirake ni katotongiia.

I kakaaitau n akea tokina nakon Tamara are ikarawa ibukin taian kamiimi ao aia mwakuri aneran aonaaba a tia ni kairai nakon ana euangkerio Iesu Kristo. Uabwi te ririki imwiina I ataia bwa taian kakatai, kamaraki atu, ao korakain au utu a bon kakaawaki ibukin rikirakeu. Te Euangkerio a reke bwaai ni kabane nakoiu. E bon koaua. Bon ngaia mweengau.