I Rangi n Tabetabe Ni Beku?

N te 1997 ao e katanoata ara beretitenti n te mwaanga bwa e na karaoa ana mwakuri n ibuobuoki n te mwaanga n taabo aika irarikira ni katobibia ara autinibootaki. Ti karaoi mwakuri n ibuobuoki aikai bwa ti na reitaki ma kaain te Ekaretia ni kabutaa te aonaaba ni kauringa ana ka 150 n ririki rokoia bwaeoniia irouia Aika Itiaki Ni Boong Aika Kaitira n te Salt Lake Valley.

Te mwakuri aei e irekereke ma kaitiakan kawai ao bonotan bwangabwanga. E taku te beretitenti n te mwaanga bwa ti na bane ni bareka ma anne te mwakuri ae na karekea iai ara tai n reitaki ma tabeman ibukin te Ekaretia.

I aki iangoia bwa n na nako bukina bwa e a tia au tia reirei ni iangoi raka n reirei n te tai naba ae nako iai mwakuri ni kakukurei. I namakinna bwa a bane n oota iai ataei, ma imwiina I noora te boki ae uarereke ae atunaki n Faith in Every Footstep (Te Onimaki Ni Katoa Mwaneka). Ngke I wareki mwakoro ibukin aia mwakuri korakora Aika Itiaki n aia rianna n nakon te United States maeao, I taonaki n te tang. Tabeman Aika Itiaki a kitan mwengaia n nakon te karereua, n aki koaua raoi iai bwa tera ae ana kunea. Tabeman a waaki nako e ngae ngke a tia ni mate aia utu ake tabeman. I nukan aorakiia, marakiia, bakiia, ao kainnanoia, iai aia onimaki bwa ngkana a mwananga nako Maeao, ao ana kainaomataaki man te bwainikirinaaki.

I namakina te aki raoiroi bukina bwa Aika Itiaki n taai akekei a tia ni karaoi mwakuri n anganano aika korakora, n tabetai ni bon oin maiuia, n taraia bwa e teimatoa te Ekaretia ni waaki nako. Ibukin aia anganano ao aia onimaki, ngaia ae I a kimwareirei n te kakabwaia man te euangkerio.

I kunea bwa e rangin ni uarereke te anganano ae I karaoia ni kabotauaki ma are a karaoia. I a tia n tuangaki bwa n na anga ti uoua te aoa ni mwakuri n anganano man tibwaua te euangkerio ma tabeman aomata, ao I kaboa taekau ibukin aki rokou.

I imwaninga taekan te reirei ao n ira te mwakuri n anganano. I barekareka, ao aomata a bon roko naba man titiraki taekan te Ekaretia. I namakina te kukurei ibukin irakina, ao I a tia n iria man te tai are e I kareke beeba iai man te uniwetirii—e ngae ngke I aki iri reirei tabeua.