Te Iein ae Itiaki E Kakabwaiai Maiura

Te Itiaki nanona bwa e na tamaroa ara iango, ara taetae, ao ara mwakuri. Te iein ae itiaki e “kukurei iai te Atua.”¹ Tamara are I-Karawa E anganiira te mwaaka ae tabu ni karikia aomata iaan te kaantaninga bwa ti na kona ni karokoia ataei ao ni kona ni kaota aron te tangira n te mare imarenan te mwaane ao te aine. E a tia n anganiira naba tuan te itiaki are e na katanira man te urubwai are e roko man tibwauaan te manga irekereke ma temanna itinanikun te mare.

Tamara are I Karawa e a tia ni katea te tia ae mataata ibukin te itiaki. E tuangira bwa ti na aki rekereke ma te wene ni bure imwain marera. Imwiin marera, ti tuangaki bwa ti na teimatoa ni kororaoi nakoia buura.² Ngkana ti urua tuan te itiaki, ikai ti a tia ni karaoa te bure ae kakaiaki.³ E reirei te burabeti ae Aramwa bwa te wene ni bure bon te bure ae kakaiaki maibuakon buure nako ma ti te tiritiri ke kakeaan te Tamnei ae Raoiroi.⁴

Tatan e karaoa te kabwakabwaka n uruakan te itiaki ao mimitongin te mare ngke e kataira bwa ti na kakoaua ae te irekereke ni karaoan te wene ni bure itinanikun te mare e kariaiakaki ti ngkana te mwaane ao te aine a tangiria imarenaia. Aio e bon aki koaua. Bon te bure ae kakaiaki are kabareka mwakan te Atua ae E a tia n anganiira ibukin karikan te aomata.⁵

Tamara are I Karawa e tuangira bwa ti na kawakina tuan te itiaki. Te kakabwaia n te ongeaba nakon te tua aei ao te rekenikai man uruakana e na bon ti tebo nakoira, e ngae ngke e bon nako man ara kantaninga, nanora ni kabane, ke kabwakabwakan nako te wene ni bure.

Ngkana ko a tia ni karaoi wene ni bure nako, te Uea e na kabwara am bure ngkana ko raira raoi nanom.⁶ Rawawatan te bure e na oneaki man ana karaunano te kabwarabure.⁷

Ngkai ti kawakinira man karaoan te wene ni bure ae itiaki, ti na kona ni kainamakina ana kairiri te Tamnei ae Raoiroi ao ni karekea te kakorakoraki, te rau, ao te kamanoaki.⁸

1. Ko kona ni iangoia ngkai bwa kona kakaonimaki ao n aki nanokokoraki. Iai tabeman a namakina bwa a kona ni karaoa te wene ni bure ma te iango ae a kona ni manga n raira nanoia imwiina. Te anua aei e kaota te aki karinerine nakon ana tua nako te Uea ao man memere aia atatai iaon te rairannano ao te etieti n tainako.⁹

2. Man bwainakin kunikaim aika a raraoi ao tein taram, ko kaotia nakon te Atua bwa ko ataia bwa rabwatam bon te karikibwai mairouna ae tabu. Bwainakin kunikai aikai a tamaroa e karikirakea te itiaki.¹⁰

3. Tamnei aika bwaitangako e kareke ao n urubwai. E kona n aana anuam ni karinerine ao arom n taobwarai bwaai ao ni kairiko n tainako nakon buren te wene ni bure aika kakaiaki.¹¹

4. Ngkana ko kunea iroum bwa e matoatoa ana kariri te wene ni bure, ni ikotaki ma namakinan kabwakabwaka mairoun are ti tebo tein rabwatam mangaia, ko kona ni katoki kakiriri akanne. E taku te Uea “karekea angam ni birinako” n te aro bwa ko na kona n “tokanikai mai iai.”¹²

5. Ngkana ko a tia ni karaoa te wene ni bure, taetae ma am bitobi ke am beretitenti n te mwaanga. E na kona ni buokiko inanon karaoan te rairannano.¹³

6. Ngkana ngkoe e a tia ni karaoaki te tautau nakoim, kabwaroua, bwainikirinaki, ke mwakuri n tangako tabeua, ko bon aki bure. Am bitiobi ke am beretitenti n te mwaanga e kona ni buokiko ni waakin kamarurungan am kantaninga.¹⁴

7. Ngkana ko tuai ni iein ao ko maroro, kaota te karinerine nakon raom, iangoi kakukurei aika a bongana, ao taubang man maroro ke mwakuri ake a karika te iango ae aki raoiroi.

8. Ngkan ko a tia ni iein, bwaina te kokoaua nakon kainabam n am iango, am taetae, ao am mwakuri nako.¹⁵ Kababakia tabeman e aki raoiroi karaoana. Kararoako man waki ake ana karikirakea karekea te kabwakabwaka.¹⁶