Kakorakoraia Utu ao Mweenga

“Ngaira n tatabemaniira nako ti mena inanon utu aika kakaokoro. Tabeua utu iai te tina ma te tama ao ataei n te mweenga. Tabeman taanga ai akea natiia n te weenga. A mwaiti kaain te Ekaretia ae tii ngaaia, ao tabeman kaaro akea toaia. Tabeman a riki bwa aine ae akea buuia mwaane bwa a tia ni mate ao mwaane akea buuia aine bwa a tia ni mate ao a maeka n ti ngaia.

“E aki akaka bwa e kangaara taraakin ara utu, ngaira n tatabemaniira ti kona ni mwakuri ni kakorakoraa oin ara utu ke n ibuobuoki ni kakorakoraia tabeman.

“[N te taina] I maeka ni mweengan ai natiu te aine ma ana utu. N te tairiki anne imwaain are a nako ataei ni matu, ti karaoa ara kai n utu ae uarereke ao te karaki man te boki ae tabu. Tamaia e karakina ana utu Riiai ao e kangaa n reireiniia natina bwa ana taua ni kamatoa te kai te biti, ae bon ana taeka te Atua. Taumatoaakin te kai te biti e na kawaakina mauriia ao ni kairiia nakon te kimareirei ao te kukurei. Ngkana ana kanakoa te kai te biti, e na iai te kangaanga ae na riki nakoia bwa a na bwabwa n te karaanga ae baareeka ranna.

“Ni kamaataata aio nakoia ataei, tinaia e na riki bwa te ʻkai te biti’ are ana riai ni kanimwiia ma ngaia, ao tamaia e na riki bwa te riaboroo, are e na kataia ni katikiia nako ataei man kamanoakiia ao kukureia. Ataei a tangira te karaki ao a reireinaki iai kakaawakin ae ana bon taua ni kamatoaa te kai te biti. Imwiin te karaki man te boki ae tabu ai bon ana tai te utu ibukin te tataro. …

“Booki aika tabu, ana bootaki te utu n te tairiki n te mweenga ao te tataro n utu e na kakorakoraia taian utu. Ti riai ni karekei n taainako taai aika riai ni kakorakoraia taian utu ao te boutoka ibukin temanna ma temanna bwa ana tiku iaon te kawai ae e eti.”¹

1. Terana taian iango ibukin kakorakorakiia utu ao mweenga are kona tibwauaia ma am tiitita? Ngke ko iangoia aroia n tatabemaniia, te Tamnei ae Raoiroi e kona ni uoti iango nakon am kaantaninga.

2. Terana bwaai aika a rangi ni kakaawaki ae ko kona ni bitia n te namakaina aio ni kakorakoraa riki oin am utu ao mweengam?

Ni moan waakinan te Bootaki n Aine e a tia ni mwiokoaki bwa e na kakorakoraia utu ma mweenga. Te Burabeti ae Iotebwa e tuangiia tiitita n aia moan boowi ni Bootaki n Aine, “Ngkana kam nakon mweengami, ko na tai taekinii taeka aika aki iraorao nakoia buumi mwaane, kariaia te akoi, te tituaraoi ao te tangira bwa ana riki bwa ana bauna am mwakuri ngkai ao tainako.”²

Inanon 1914 Beretitenti Joseph F. Smith e tuangiia tiitita n te Bootaki n Aine, “Ike iai te aki ataibwai ke te kabanea ni bwai ae uarereke akean te atatai n reitaki ma te utu, … ikanne are e a tei iai te bootaki ke are e kaan, ao mai iroun ana entaumente are e riki iai ao te kairi are ana bwai te bootaki aei a tauraoi ni kanakoi aia kaetieti n reitaki ma mwakuri akana a kakaawaki.”³