Antai ae N na taetae nakoina ibukin karekean ana kakabwaia te tamanuea?
Beretitenti James E. Faust (1920–2007), Kauoman ni Kauntira n te Moan Beretitentii, e taku: “Ana kakabwaia te tamanuea bon te kakabwaia ae bon rangin onoti ao te tibwanga ae kamimi are e kona n roko irouia kaain te Ekaretia aika a kakaonimaki aika a bon tau aia atatai ni bwaai aika a riki ao ni kakawakin taian kakabwaia. … N aron kakabwaia aika a mwaiti, a riai ni karaoaki n te bubuti iroun te aomata ke iroun temanna kain te utu are e rang kainnanoa te kakabwaia.”1
Ngkana ko namakinna bwa ko a tauraoi raoi n te maiu n tamnei ni karekea ana kakabwaia te tamanuea, kona riai moa ni kabaea am tai ibukin am intawiu ma am bitiobi ke am beretitenti n te mwaanga, are ngaia are e na baairea tauraoim ao kororaoim. Ngkana E namakinna bwa ko a tauraoi, ko kona ni karekea te kariaiakaki. Ko kona ngkanne n reitaki ma am tamanuea n te titeiki ni kabaea am tai.