Kiʻi Tohi Fakamatala ʻo e Konifelenisi ʻo ʻOkatopa 2014
“ʻIlonga ha meʻa kuó u lea ʻaki ʻe au ko e ʻEikí, kuó u lea ʻaki ia; … neongo pē ko e fai ia ʻi hoku leʻo pē ʻoʻokú pe ʻi he leʻo ʻo ʻeku kau tamaioʻeikí, ʻoku tatau ai pē (T&F 1:38 ).
ʻI hoʻo toe vakaiʻi ko ia ʻa e konifelenisi lahi ʻo ʻOkatopa 2014, ʻe lava ke ke fakaʻaongaʻi ʻa e ngaahi pēsí ni (mo e ngaahi Tohi Fakamatala Fakakonifelenisi ʻi he ngaahi pulusinga he kahaʻú) ke tokoni atu ki hoʻo akó mo fakaʻaongaʻi ʻa e ngaahi akonaki fakamuimuitaha ʻa e kau palōfita mo e kau ʻaposetolo moʻuí mo e kau taki kehe ʻo e Siasí.
ʻOku ʻomi ʻi he konifelenisi takitaha ‘e he kau palōfitá mo e kau ʻaposetoló ʻa e ngaahi tali fakalaumālie ki he ngaahi fehuʻi ʻa e kāingalotu ʻo e Siasí. Fakaʻaongaʻi hoʻo makasini ‘o Nōvema 2014 pe vakai ki he conference.lds.org ke maʻu ha tali ki he ngaahi fehuʻi ko ʻení:
Ko e hā e founga ʻoku taha ai ʻa e Tamai Hēvaní mo Sīsū Kalaisi? Vakai, Robert D. Hales, “Moʻui Taʻengatá — ke ʻIloʻi ʻa ʻEtau Tamai Hēvaní mo Hono ʻAlo ko Sīsū Kalaisí,” 80.
Ko e hā ʻa e fakamoʻoni pea te u maʻu fēfē ia? Vakai, Craig C. Christensen, “ʻOku ou ʻIlo e Ngaahi Meʻá Ni ʻIate Au Pē,” 50.
Ko e hā te u fai lolotonga ʻeku fekumi ki he ngaahi tali ki heʻeku ngaahi fehuʻí? Vakai, M. Russell Ballard, “Nofomaʻu ʻi he Vaká pea Piki ke Maʻu” 89.
ʻĪmisi
Official portrait of Elder Jeffrey R. Holland of the Quorum of the Twelve Apostles, 2004.
“ʻOku ou fakamoʻoni ki he ngaahi mana fakalaumālie mo fakatuʻasino ʻoku maʻu ʻe kinautolu ʻoku nau moʻui ʻaki e fono ʻo e ʻaukaí. …Mataʻikoloa ʻaki e faingamālie toputapu ko iá ke fakahoko fakamāhina iá peá ke foaki lahi ʻi hoʻo paʻanga ʻaukaí, tokoni ʻofa fakaetangatá, akó mo e paʻanga faifekaú ʻo fakatatau mo e meʻa ʻoku malava ʻi ho tūkungá. ʻOku ou palōmesi atu ʻe foaki ʻofa atu e ʻOtuá kiate koe pea ʻe hanga ʻe he niʻihi ʻoku nau maʻu hoʻo tokoní ʻo ui ho hingoá ko e monūʻia ʻo taʻengata.”
ʻEletā Jeffrey R. Holland, “ʻIkai ko e Kau Kolekole Kotoa pē Kitautolu?” Liahona, Nōvema 2014, 42.
Ke lau, mamata, pe fanongo ki he ngaahi lea ʻo e konifelenisi lahí, vakai ki he conference.lds.org .