Tuliki ʻo e Fehuʻí
ʻI he taimi ʻoku kē ai ʻeku fineʻeikí mo ʻeku tangataʻeikí, ʻoku ou ongoʻi hohaʻa ʻaupito mo loto-mamahi. Ko e hā te u lava ʻo faí?
Te ke lava ʻo lotu ki he Tamai Hēvaní. ʻOku tokoni maʻu pē ia ke u ongoʻi fiemālie.
Hayden H., taʻu 6, ʻAlapeta, Kānata
Ke fakafiefiaʻi kinaua, te u fai ha talanoa fakakata mo talanoa kau ki he akó. ʻI he kamata pē ke na kakatá, ʻoku ou ongoʻi hono talamai ʻe he Laumālie Māʻoniʻoní naʻá ku fai ʻa e meʻa totonú.
Elena M., taʻu 12, Kalefōnia, USA
Mākisi: Te u fāʻofua kiate kinaua pea hivaʻi ha foʻi hiva Palaimeli ke fakamanatu kiate kinaua ʻa Sīsū.
Keipi: Tā ha fakatātā homou fāmilí ʻi hēvani ke na ongoʻi fiefia ange.
Max mo Gabe C., taʻu 6 mo e 10, Kosi, ʻInitia
Te ke lava ʻo fai ha lotu ke tokoni ki hoʻo faʻeé mo hoʻo tamaí ke fakaleleiʻi ʻena palopalemá pea ngūngūuʻi ha foʻi hiva ʻa e Siasí ke ke ongoʻi fiemālie ai.
Addison S., taʻu 10, Uāsingatoni, USA
ʻOku ou ʻalu mo hoku ngaahi tokouá mo e tuofāfiné ki homau lokí ʻo fanongo ki he Kuaea ʻa e Tāpanekalé. Kuo tokoni ʻeni ke mau ongoʻi nonga.
Ben M., taʻu 11, Pilisipeini, ʻAositelēlia
Te u lotu ki he Tamai Hēvaní pea kole ke Ne tokoniʻi ʻeku ongomātuʻá ʻi heʻena fakafekikí koeʻuhí ke na ongoʻi e Laumālié pea fakaleleiʻi ʻena palopalemá.
Ethan M., taʻu 11, Kalefōnia, USA