Ko e hā ʻoku ʻikai ke hoko ai ha ngaahi mana he ʻaho ní ʻo hangē ko ia naʻe hoko ʻi he taimi ʻo Kalaisí?
Ko e ngaahi mana ʻa e Fakamoʻuí ko e ngaahi “ngāue fakalangi” pea pehē ki he “konga ʻo e akonaki fakalangí” (Bible Dictionary, “Miracles”). ʻOku kei hoko pē ʻa e faifakamoʻuí mo ha ngaahi mana ʻi he Siasí he ʻahó ni, neongo ʻoku ʻikai ke fakahaaʻi maʻu pē kinautolu ʻi ha ngaahi founga fakaofo pea ʻikai faʻa fakahāhā ia ki he kakaí koeʻuhí ke ʻoku toputapu ia kiate kinautolu ne nau aʻusia iá. Mahalo te ke fie kumi ha ngaahi mana ʻi hoʻo moʻuí pe ʻi he moʻui ʻa e kau mēmipa ho fāmilí pe ngaahi kuí. Neongo ʻoku tau fakaʻamu ki ha ngaahi mana, ka ʻoku totonu ke tau manatuʻi oku tali mai ia ʻe he Tamai Hēvaní ʻi he taimi mo e founga pē ʻAʻana.
Ko e ngaahi maná ko e konga ia ʻo e ongoongolelei ʻo Sīsū Kalaisí. Ko ha fakaʻilonga ia ʻoku ʻi he māmaní ʻa e tuí (vakai, ʻEta 12:12), pea ko ha meʻafoaki ia ʻo e Laumālié (vakai, T&F 46:21).