Fofala Wei blong Rere from Epril 2020

Yia 2020 i makem 200 yia aniveseri blong Fas Visen, we i bin hapen long spring blong yia 1820. Folem hemia, Presiden Russel M. Nelson i bin anaonsem se konfrens we i stap kam long Epril “bae i blong tingbaot ol stret fandesen blong gospel ia we i kambak” (luk long pej 122).

Hem i leftemap tingting blong evri memba mo famli blong rere from “wan spesel konfrens ia nomo,” mo i givim samfala wei blong mekem olsem:

1. Ridim bakegen stori blong Josef Smit abaot Fas Visen.

2. Taem yu kam blong stadi long Kam Folem Mi long 2020, tingting hevi long ol kwestin abaot ol save mo blesing we pipol i bin kasem from Buk blong Momon.

3. Tingting blong stap yusum ol niufala vidio blong Buk blong Momon insaed long skripja stadi blong yuwan o wetem famli.

4. Jusum ol kwestin blong yuwan mo raetem plan blong yuwan blong “draonem yuwan insaed long laet blong glori blong Restoresen.”

Presiden Nelson i talem se: “Taem yu stap mekem olsem, jeneral konfrens long nekis Epril, bae i no jes wan gud taem, be bae yu neva fogetem.”