Japta 2
Lihae I Wonem Ol Pipol
Plante long ol pipol we oli bin stap laef long Jerusalem long 600 yia bifo Kraes i bon, oli ol nogud man. Lod i sendem ol profet blong talem long olgeta blong sakem sin, be oli no wantem lisin.
Lihae i wan profet. Hem i prea se ol pipol oli mas sakem sin. Taem hem i stap prea, wan longfala faea we i go antap i kamaot long hem. God i talem mo i soem plante samting long Lihae.
Lihae i kambak hom mo i luk wan visen. Hem i luk God mo plante enjel oli stap raon long hem. Ol enjel oli stap singsing mo presem God.
Long visen blong Lihae, oli bin givim wan buk long hem we i tokbaot wanem bae i hapen long fiuja. Hem i ridim se Jerusalem bae oli prapa spolem gud from ol man oli nogud tumas.
Lihae i talem long ol pipol se Jerusalem bae oli prapa spolem gud. Hem i talem tu abaot taem we Jisas bae i kambak. Ol pipol oli kros tumas mo oli traem blong kilimded hem, be Lod i bin protektem hem.