Japta 26
Ol Pipol blong Amon
Ol Man ia blong Leman we oli joenem Jos oli singaotem olgetawan Ol Antae-Nifae-Lihae Oli ol gudfala pipol, mo ol pipol we oli wok had.
Ol Man blong Leman we oli no bin sakem sin oli kros long ol pipol blong Amon, mo oli rere blong faet agensem olgeta.
Ol pipol blong Amon oli save se ol rabis Man blong Leman bae oli kam blong kilimded olgeta be oli jusum blong no faetbak. Oli bin sakem sin from oli bin kilim man i ded.
Oli stap berem ol tul blong faet blong olgeta i go dip insaed long graon, mo oli promes long God se bae oli neva kilimded man bakegen.
Taem ol nogud Man blong Leman oli kam mo stat blong kilimded olgeta, oli nildaon long graon mo oli prea.
Taem oli luk se ol pipol blong Amon oli no faetbak, plante long Ol rabis Man blong Leman oli stop blong stap kilimded olgeta.
Ol Man blong Leman oli sore from oli bin kilimded man. Oli sakem ol tul blong faet mo oli joenem ol pipol blong Amon. Oli no wantem faet bakegen samtaem.
Plante moa Man blong Leman oli kam blong kilimded ol pipol blong Amon. Be stil, oli no faetbak, mo plante long olgeta, oli bin kilimded olgeta.
Amon i prea from help, from hem i no wantem se ol pipol we hem i lavem tumas blong oli ded evriwan. Lod i talem long hem blong karem ol pipol blong hem, mo oli aot long graon ia.
Ol Man blong Nifae long Sarahemla oli givim graon blong Jerson long Amon mo ol pipol blong hem, mo oli protektem olgeta. Oli kam fren.