Japta 47
Jisas Kraes I Blesem Ol Disaepol blong Hem
Wan dei taem we ol disaepol oli stap tugeta mo oli stap fast mo prea, Jisas Kraes i kamaot long olgeta.
Ol disaepol oli askem Hem wanem nem nao oli sapos blong singaotem Jos long hem. Jisas i talem se oli mas singaotem long nem blong Hem from we hem i Jos blong Hem.
Jisas i eksplenem long ol disaepol blong Hem se Papa long Heven i bin sendem Hem long wol ia blong givim laef blong Hem from ol pipol.
Hem i talem se evriwan we i sakem sin, mo kasem baptaes long nem blong Hem, mo obei long ol komanmen blong Hem bae i stanap klin long fored blong Papa long Heven.
Sevya i talem long ol disaepol blong oli mekem wanem we oli luk Hem i stap mekem. Hem i bin soem eksampol blong olgeta.
Hem i talem tu long olgeta blong oli raetem daon ol samting we oli bin luk mo harem mekem se ol narawan oli mas save tu.
Jisas i askem long ol disaepol blong Hem wanem oli wantem long Hem. Naen long olgeta i wantem blong laef wetem Hem afta we laef blong olgeta long wol ia i finis.
Jisas i promes long olgeta se taem we bae oli gat 72 yia, bae oli go long Hem long heven.
Ol nara tri disaepol oli no bin askem wanem oli wantem, be Jisas i save. Oli wantem blong stap long wol ia blong tijim gospel kasem taem we Jisas i kambak bakegen.
Sevya i promes long olgeta se bae oli no save safa long ol harem nogud mo bae oli no save ded. Bae oli tijim ol pipol abaot gospel kasem taem Hem i kambak.
Jisas i tajem wanwan long ol disaepol be i no olgeta tri we bae oli stap long wol ia kasem taem hem i kambak. Mo afta Hem i go.
Trifala disaepol ia oli bin go long heven, we oli bin luk mo harem plante gudgudfala samting. Naoia oli save andastanem gud ol samting blong God.
Ol bodi blong olgeta oli jenis blong mekem se oli no save ded.
Trifala disaepol oli kambak long wol ia mo stat blong prijim gospel mo baptaesem ol man.
Ol nogud Man blong Nifae oli sakem trifala disaepol ia i go long kalabus mi insaed long ol bigfala hol, be paoa blong God i helpem tufala i ronwe.
Taem oli pusum olgeta i go insaed long ol hot faea mo insaed long hol blong ol wael animol, God i protektem olgeta wetem paoa blong Hem.
Trifala disaepol ia i gohed blong prijim gospel blong Jisas Kraes i go long Ol Man blong Nifae. Oli gohed blong prijim gospel.