Japta 27
Koriho
Koriho i talem long ol pipol se oli no yusum hed blong olgeta blong biliv se Jisas bae i kam daon long wol ia blong i harem nogud from ol sin blong olgeta.
Hem i talem se ol pipol ba e i no save kasem panis from ol sin blong olgeta from i o gat laef afta ded. Plante pipol oli bin bilif long Koriho. Oli kam ol rabis olgeta.
Koriho i traem blong prij long ol pipol blong Amon, be olgeta oli no wantem lisin long hem. Oli fasem hem mo oli tekem hem i go long Amon, we i fosem hem blong aot long taon ia.
Koriho i go long graon long Gidion, be ol pipol long ples ia tu oli no wantem lisin long hem. Jif jaj i sendem hem i go long Alma.
Alma i askem long Koriho sapos hem i biliv long God. Koriho i talem se no hem i no biliv. Alma i testifae se i gat wan God mo tu Kraes bae i kam.
Hem i wantem blong Alma i mekem wan merikel blong pruvum se i gat wan God. Koriho i talem se hem bae i biliv long God sapos hem i luk wan saen blong paoa blong God.
Alma i talem long Koriho se hem i bin luk plante saen blong paoa blong God tru long ol skripja mo ol testemoni blong ol profet.
Alma i talem se wol ia mo evri samting long hem mo olsem wanem ol planet oli stap muv antap long skae i ol saen we i gat wan God.
Koriho i stil no save biliv. Alma i bin harem nogud from ol rabis fasin blong Koriho mo i givim woning long hem se bae oli save distroem sol blong hem.
Koriho i stil wantem wan saen blong pruvum se i gat wan God. Alma i talem se saen we bae i kam long God i we Koriho bae i nomo save toktok.
Afta we Alma i talem samting ia, Koriho i nomo save toktok.
Koriho i raetem se hem i save se saen ia i kam long God mo we hem i bin save finis long taem se i gat wan God. Hem i askem Alma blong prea blong karemaot kes ia.
Alma i save se sapos Koriho i toktok bakegen bae hem i giaman bakegen long ol pipol. Alma i se Lod bae i disaed se Koriho bae i toktok bakegen o no gat.
Lod i no bin givim bak voes blong Koriho. Koriho i go long wan haos afta narawan mo i stap askem kaekae.
Jif jaj i sendem wan leta i go long evri ples long taem ia blong talem long ol man wanem we i hapen long Koriho. Hem i talem long olgeta we oli bin biliv long Koriho blong oli sakem sin. Ol pipol oli bin sakem sin.
Koriho i go blong stap wetem Ol Man blong Soram. Wan dei taem hem i stap askem samting, hem i bin seksek gogo kasem ded.