Japta 27: Koriho

Pikja

Nifae i stap wokbaot

Wan man we nem blong hem Koriho i bin kam long Sarahemla. Hem i no bin biliv long Jisas Kraes mo i prij se wanem we ol profet oli bin talem abaot Sevya i no tru.

Alma 30:6, 12-14

Pikja

Koriho i stap tijim ol pipol

Koriho i talem long ol pipol se oli no yusum hed blong olgeta blong biliv se Jisas bae i kam daon long wol ia blong i harem nogud from ol sin blong olgeta.

Alma 30:16

Pikja

ol boe oli stap mekem sin

Hem i talem se ol pipol ba e i no save kasem panis from ol sin blong olgeta from i o gat laef afta ded. Plante pipol oli bin bilif long Koriho. Oli kam ol rabis olgeta.

Alma 30:17–18

Pikja

Koriho

Koriho i traem blong prij long ol pipol blong Amon, be olgeta oli no wantem lisin long hem. Oli fasem hem mo oli tekem hem i go long Amon, we i fosem hem blong aot long taon ia.

Alma 30:19–21

Pikja

Oli sendem Koriho i go aot

Koriho i go long graon long Gidion, be ol pipol long ples ia tu oli no wantem lisin long hem. Jif jaj i sendem hem i go long Alma.

Alma 30:21, 29

Pikja

Alma mo Koriho

Alma i askem long Koriho sapos hem i biliv long God. Koriho i talem se no hem i no biliv. Alma i testifae se i gat wan God mo tu Kraes bae i kam.

Alma 30:37–39

Pikja

Koriho mo Amon

Hem i wantem blong Alma i mekem wan merikel blong pruvum se i gat wan God. Koriho i talem se hem bae i biliv long God sapos hem i luk wan saen blong paoa blong God.

Alma 30:43

Pikja

Alma i stap holem ol skripja

Alma i talem long Koriho se hem i bin luk plante saen blong paoa blong God tru long ol skripja mo ol testemoni blong ol profet.

Alma 30:44

Pikja

Alma i stap toktok long Koriho

Alma i talem se wol ia mo evri samting long hem mo olsem wanem ol planet oli stap muv antap long skae i ol saen we i gat wan God.

Alma 30:44

Pikja

Koriho mo Alma

Koriho i stil no save biliv. Alma i bin harem nogud from ol rabis fasin blong Koriho mo i givim woning long hem se bae oli save distroem sol blong hem.

Alma 30:45–46

Pikja

Alma i stap holem ol skripja

Koriho i stil wantem wan saen blong pruvum se i gat wan God. Alma i talem se saen we bae i kam long God i we Koriho bae i nomo save toktok.

Alma 30:48–49

Pikja

Koriho

Afta we Alma i talem samting ia, Koriho i nomo save toktok.

Alma 30:50

Pikja

Koriho i stap raet raet long ol toti

Koriho i raetem se hem i save se saen ia i kam long God mo we hem i bin save finis long taem se i gat wan God. Hem i askem Alma blong prea blong karemaot kes ia.

Alma 30:52, 54

Pikja

Alma i stap toktok

Alma i save se sapos Koriho i toktok bakegen bae hem i giaman bakegen long ol pipol. Alma i se Lod bae i disaed se Koriho bae i toktok bakegen o no gat.

Alma 30:50

Pikja

Koriho i stap askem kaekae

Lod i no bin givim bak voes blong Koriho. Koriho i go long wan haos afta narawan mo i stap askem kaekae.

Alma 30:56

Pikja

Jif jaj i stap raetem leta

Jif jaj i sendem wan leta i go long evri ples long taem ia blong talem long ol man wanem we i hapen long Koriho. Hem i talem long olgeta we oli bin biliv long Koriho blong oli sakem sin. Ol pipol oli bin sakem sin.

Alma 30:57–58

Pikja

Koriho i ded long graon

Koriho i go blong stap wetem Ol Man blong Soram. Wan dei taem hem i stap askem samting, hem i bin seksek gogo kasem ded.

Alma 30:59