Japta 35: Kapten Moronae mo Pahoran

Pikja

Papa we i stap ridim ol skripja

Kapten Moronae i glad tumas blong harem se Hileman mo ol ami blong hem oli bin tekembak plante long ol graon blong Ol Man blong Nifae long Ol Man blong Leman.

Alma 59:1

Pikja

Ol soldia oli stap stanap antap long wol

Be Hileman mo ol ami blong hem oli nidim help. Oli no bin gat inaf soldia blong difendem plante taon tumas.

Alma 58:32

Pikja

Kapten Moronae i stap raet

Kapten Moronae i raetem wan leta i go long Pahoran, jif jaj mo wan man blong mekem loa. Hem i askem Pahoran blong sendem moa soldia blong helpem ol ami blong Hileman.

Alma 59:3

Pikja

Ol Man blong Leman oli atakem taon

Ol Man blong Leman oli atakem wan taon blong Ol Man blong Nifae we Hileman i bin tekembak. Oli kilimded plante long Ol Man blong Nifae mo oli ronem plante aot long taon.

Alma 59:5–8

Pikja

Moronae i stap raet

I kros long ol lida blong gavman from we oli no bin sendem help. Moronae i raetem wan narafala leta i go long Pahoran.

Alma 59:13; 60:1

Pikja

ol soldia

Kapten Moronae i raetem se plante pipol oli bin ded from we Pahoran i no bin sendem moa soldia.

Alma 60:5

Pikja

Moronae i stap raet

Sapos Pahoran i no sendem ol man mo kaekae, Moronae bae i tekem ami blong hem i go long Sarahemla mo karem wanem ol ami blong hem oli nidim.

Alma 60:34–35

Pikja

Moronae i kasem leta

Mo afta, Moronae i jes kasem wan leta we i kam long Pahoran. Hem i harem nogud se Moronae mo ol man blong hem oli stap harem nogud.

Alma 61:1–2

Pikja

Pahoran i stap raetem leta

Pahoran i talem long Moronae se wan grup blong Ol Man blong Nifae we oli singaotem olgeta ol king-man oli no wantem hem blong stap olsem jif jaj. Oli bin fosem hem mo ol sapota blong hem blong oli aot long Sarahemla.

Alma 61:3–5

Pikja

Ami oli stap kam tugeta aotsaed long taon

Pahoran i talem tu se hem i stap traem blong tekem tugeta wan ami blong tekembak Sarahemla.

Alma 61:6–7

Pikja

King mo ol man blong hem

Ol king-man oli bin jusum wan king blong kam lida blong olgeta mo oli bin joenem Ol Man blong Leman.

Alma 61:8

Pikja

Pahoran i stap raetem leta

Pahoran i no bin kros long wanem Moronae i bin raetem. Hem i wantem Ol Man blong Nifae blong oli go fri tu.

Alma 61:9

Pikja

Moronae stap ridim leta

Hem i askem Moronae blong tekem smol man blong helpem hem mo i talem se sapos Moronae i tekem plante moa man long rod blong hem, tugeta ol ami ia bae i tekem bak Sarahemla.

Alma 61:15–18

Pikja

Moronae i stap holem leta

Kapten Moronae i glad from we Pahoran i stil stanap from kandri blong hem mo i wantem fridom blong ol pipol blong hem.

Alma 62:1

Pikja

Moronae mo ol soldia

Wetem smol long ol man blong hem, Moronae i go blong mitim Pahoran. Hem i tekem taetel blong fridom, mo taosen long ol man oli joenem hem long rod blong hem i go.

Alma 62:3–5

Pikja

faet long wol blong taon

Tugeta ami blong Moronae mo Pahoran i maj i go agensem Sarahemla. Oli kilimded king blong ol rabis Man blong Nifae ia mo oli holem ol man blong hem.

Alma 62:7–8

Pikja

Moronae mo ol soldia

Moronae i sendem kaekae mo 12,000 soldia blong helpem ol ami blong Ol Man blong Nifae. Ol ami ia oli ronem Ol Man blong Leman i go aot, mo i gat pis bakegen long graon ia.

Alma 62:12-13, 38-42