Ol Pipol blong Save
- Abinadae
-
wan profet we God i sendem blong tijim King Noa; king ia i mekem oli bonem Abinadae long faea mo i ded
- Adam
-
fasfala man long wol ia
- Alma
-
wan pris blong King Noa we i biliv long ol tijing blong Abinadae, mo afta, hem i kam wan lida blong Jos
- Amalekaea
-
wan rabis man we i wantem blong kam king blong Ol Man blong Nifae, be bae i tekemaot fridom blong ol pipol. Taem hem i no bin kam king, hem i aot mo joenem olgeta Man blong Leman.
- Amaron
-
wan stret mo gud man we i givim ol histri long Momon blong oli stap sef
- Amlisae
-
wan rabis man we i wantem blong kam king blong olgeta Man blong Nifae. Taem hem i no bin kam king, hem mo ol man we oli stap folem hem oli go, oli faet agensem Ol Man blong Nifae, mo afta, oli joenem Ol Man blong Leman.
- Amon, ol pipol blong
-
Ol Man blong Leman oli bin konvet tru long ol boe blong Mosaea. Ol pipol ia oli berem ol tul blong faet blong olgeta mo mekem wan kavenan se bae oli nomo faet bakegen.
- Amon1
-
lida blong wan grup blong Ol Man blong Nifae long Sarahemla we oli go long graon blong Nifae blong helpem Ol Man blong Nifae we oli bin stap long ples ia, blong oli ronwe
- Amon2
-
wan long ol boe blong Mosaea we, hem nao, i protektem ol sipsip blong King Lamonae blong no foldaon long han blong ol man blong stil. Hem i bin tijim mo jenisim laef blong plante Man blong Leman long taem blong misin blong hem.
- Amulek
-
wan misinari kompanion blong Yangfala Alma. Oli bin putum olgeta long kalabus, be oli bin yusum paoa blong God blong mekem ol wol blong kalabus ia oli folfoldaon
- Amulon
-
wan rabis pris blong King Noa we i bin kam wan rula ova long ol pipol blong Alma. Hem i mekem oli wok had tumas, mo hem i stap talem long olgeta se bae hem i kilimded eniwan we oli faenem we i stap prea.
- Antae-Nifae-Lihae
-
(luk long Amon, pipol blong)
- Benjamin, King
-
wan stret mo gud King we i bin stanap antap long wan taoa blong tijim ol pipol blong hem abaot Jisas Kraes
- brata blong Jared
-
wan profet we i bin askem Jisas blong tajem 16 ston blong mekem se oli givim laet long ol baj we Ol Man blong Jared oli yusum blong travel i go long promes graon.
- Eron
-
wan boe blong King Mosaea mo wan misinari long Ol Man blong Leman
- Gidion
-
wan Man blong Nifae we i stret mo gud we i bin difendem Jos taem we Nihor i stat blong tijim ol giaman samting long ol pipol. Nihor i kilim hem i ded.
- Hagot
-
wan Man blong Nifae we i stap bildim ol sip; hem i tekem plante Man blong Nifae i go long graon blong Not.
- Hileman
-
fasbon boe blong Yangfala Alma. Oli bin givim ol buk long hem mo askem hem blong raetemdaon histri blong ol pipol blong hem. Hem tu, i bin wan lida blong ol 2,000 yang soldia.
- Himnae
-
wan boe blong King Mosaea mo wan misinari long Ol Man blong Leman
- Inos
-
wan boe blong Jekob we i bin prea ful dei mo naet. Hem i prea from Ol Man blong Nifae mo Ol Man blong Leman.
- Ismael
-
wan man blong Jerusalem we i bin travel i go long promes graon wetem Lihae wetem ol famli blong hem. Ol gel blong hem oli maredem ol boe blong Lihae.
- Ita
-
wan profet we i givim woning long Ol Man blong Jared blong oli sakem sin mo hem i raet abaot taem ia we oli prapa spolem gud olgeta we oli lus evriwan
- Iv
-
fasfala woman long wol ia.
- Jekob
-
Boe blong Lihae mo Saraea. Hem i fesem Serem we i talem se i no gat Kraes.
- Josef
-
wan boe blong Lihae mo Saraea we i stret mo gud we i bin bon long waelples.
- Josef Smit, Junia
-
wan lata-dei profet we i bin transletem Buk blong Momon aot long ol buk we oli wokem long gol.
- king-man
-
Ol Man blong Nifae we oli wantem blong wan king i rula ova long olgeta, be i no ol jaj. Taem oli no save gat wan king, oli go mo joenem Ol Man blong Leman mo atakem olgeta Man blong Nifae.
- Korianton
-
wan boe blong Yangfala Alma we i no bin fetful mo i no wan misinari we i stret mo gud.
- Koriantuma
-
wan rabis king we i lasfala Man blong Jared we i bin laef.
- Koriho
-
wan rabis man we i wantem luk wan saen blong pruvum se God i stap laef. God i givim Koriho wan saen taem Hem i tekemaot voes blong hem.
- Lamonae, King
-
wan king blong Ol Man blong Leman we oli bin tijim gospel long hem mo hem i bin biliv. Amon2 i protektem ol sipsip blong king long ol stilman
- Lamonae, papa blong King
-
wan king blong Ol Man blong Leman we oli bin tijim gospel long hem mo hem i bin biliv. Hem i talem bae hem i lego evri sin blong hem blong kam blong save God.
- Leban
-
wan rabis man long Jerusalem we i no wantem blong givim ol buk we oli wokem long bras long ol boe blong Lihae.
- Leman
-
fasbon boe blong Lihae mo Saraea. Hem i bin wan nogud man, mo hem i stap go agensem God.
- Leman, King
-
wan rabis king blong Ol Man blong Leman we i bin givim tu taon long Senif mo Ol Man blong Nifae we oli stap folem hem, mo afta hem i go faet agensem olgeta bakegen.
- Lemyul
-
wan rabis boe blong Lihae mo Saraea
- Lihae1
-
wan profet we i bin givim woning se Jerusalem bae oli prapa spolem gud. Hem i lisin taem God i talem long hem blong karem famli blong hem mo aot i go long waelples.
- Lihae2
-
boe blong Hileman. Hem mo brata blong hem, Nifae, oli bin sakem tufala i go insaed long kalabus mo faea i go raon long olgeta.
- Limhae,King
-
wan gudfala boe blong nogud King Noa. Hem mo ol pipol blong hem oli stap slef blong Ol Man blong Leman, be oli ronwe.
- Meri
-
mama blong Jisas
- Momon
-
wan lida blong ol ami blong Ol Man blong Nifae mo wan las profet blong Ol Man blong Nifae. Hem i putum tugeta Buk blong Momon.
- Moronae
-
Boe blong Momon mo lasfala profet blong Ol Man blong Nifae. Hem i berem ol buk we oli wokem long gol ia, mo afta, hem nao i kamaot long Josef Smit olsem wan enjel.
- Moronae, Kapten
-
wan lida we i stret mo gud we i lidim ami blong Ol Man blong Nifae. Hem i mekem taetol ia blong fridom, mo i talem long ol ami blong hem blong faet from fridom blong olgeta.
- Mosaea, King
-
lasfala king blong Ol Man blong Nifae. Hem i gat fo boe.
- Nifae1
-
wan boe blong Lihae mo Saraea we i stret mo gud. Hem i bin karem ol buk blong bras long Leban mo i bin bildim wan sip we i karem ol famli blong hem i go tru long promes graon.
- Nifae2
-
boe blong Hileman. Hem mo brata blong hem, Lihae, oli bin sakem tufala i go insaed long kalabus mo faea i bin raonem tufala. Nifae i mekem wan bigfala taem we i no gat kaekae i hapen blong i tijim ol pipol blong sakem sin.
- Nifae3
-
wan man we i stret mo gud we Jisas i bin singaotem hem blong kam wan disaepol mo wan lida blong Jos
- Nihor
-
wan nogud man we i stap agensem strong Jos blong God. Hem i kilimded Gidion mo oli bin kilimded hem.
- Noa, King
-
Wan nogud king blong Ol Man blong Nifae we i wantem tumas ol ting blong wol ia, mo i tijim ol pipol blong hem blong mekem ol nogud samting. Ol pipol blong hem nomo oli bonem ded hem.
- ol boe blong Mosaea
-
Ol boe blong King Mosaea: Eron, Amon,2 Himnae, mo Omna, we oli bin ol strong misinari long Ol Man blong Leman
- ol friman
-
Ol Man blong Nifae we oli wantem tumas blong gat fridom blong laef mo wosip olsem we oli wantem. Ol jaj nao oli bin stap rul ova long olgeta, be i no wan king.
- Ol Man blong Amlisae
-
olgeta we i stap folem Amlisae. Oli putum red mak long fored blong hed blong olgeta mo oli joenem Ol Man blong Leman.
- Ol Man blong Jared
-
ol man we oli folem Jared mo ol brata blong hem we oli lego Babel mo oli travel i go long promes graon insaed long ol baj
- Ol Man blong Leman
-
olgeta blong laen o olgeta we oli stap folem Leman mo Lemyul, o ol pipol we oli bin sakemaot gospel.
- Ol Man blong Nifae
-
ol man we oli stap folem Nifae o olgeta we oli akseptem gospel
- Ol Man blong Soram
-
ol nogud man we oli bin wantem stap long Jos blong God. Oli prea insaed long ol haos blong prea antap long wan olta we oli singaotem Ramiamtam.
- Omna
-
wan boe blong King Mosaea mo wan misinari long Ol Man blong Leman
- Pahoran
-
wan jif jaj blong Ol Man blong Nifae we i bin helpem Kapten Moronae blong faet agensem Ol nogud Man blong Nifae
- Sam
-
wan stret mo gud boe blong Lihae mo Saraea
- Samuel, Man blong Leman
-
wan profet we i bin givim profesi i go long Ol Man blong Nifae abaot ol saen blong taem we bae Jisas i bon mo taem we bae Hem i ded.
- Saraea
-
Waef blong1 Lihae
- Senif
-
wan stret mo gud lida we i tekem wetem hem wan grup blong Ol Man blong Nifae long Sarahemla i go long graon blong Nifae, we oli kam ol slef blong nogud King Leban.
- Serahemna
-
Wan lida we i wan Man blong Leman, we i bin faet agensem Ol Man blong Nifae, mo i wantem olgeta blong kam ol slef blong hem. Oli bin katemaot top blong hed blong hem long wan faet agensem ami blong Kapten Moronae.
- Serem
-
wan nogud Man blong Nifae we i wantem wan saen bifo hem i biliv long Jisas Kraes.
- Siantum
-
brata mo man we i kilimded Sisoram
- Siesrom
-
wan loya we i bin givim mane long Amulek blong talem se i no gat God. Yangfala Alma i bin tijim gospel long hem, mo hem i bin sakem sin.
- Sis
-
wan nogud Man blong Jared we i bin lidim wan ami i go agensem Koriantuma, mo hem i wan long ol lasfala Man blong Jared we i bin laef.
- Sisoram
-
wan jif jaj we brata blong hem nomo i kilimded hem
- Soram
-
wan wokman blong Leban we i bin travel wetem Lihae mo famli blong hem i go long promes graon.
- tu taosen yang soldia
-
wan ami blong ol yang Man blong Amon we Hileman nao i lidim olgeta. Oli faet blong mekem se ol papa mo mama blong olgeta, we oli bin mekem kavenan blong nomo faet, bae oli no nid blong faet.
- Yangfala Alma
-
Boe blong Alma we i bin go agensem Jos, mo i bin traem blong prapa spolem gud Jos; be hem i gat wan jenis blong hat blong hem mo hem i stat blong tijim gospel. Hem i kam olsem wan lida blong Jos, mo hem i fasfala jif jaj.