Japta 48
Pis long Amerika
Ol pipol we oli sakem sin blong olgeta oli bin kasem baptaes mo oli bin kasem Tabu Spirit.
I no longtaem afta, evri Man blong Nifae mo evri Man blong Leman oli bin konvet. Oli no bin raorao, be evriwan i bin ones.
I no gat i rij o pua. Oli bin serem evri samting, mo evriwan i bin gat wanem oli nidim.
Ol disaepol oli mekem plante merikel long nem blong Jisas Kraes. Oli hilim ol sikman mo mekem olgeta we oli ded oli laef bakegen.
Ol pipol ia oli bildim ol niu taon, long ples blong ol taon, we oli bin prapa spolem gud olgeta.
Oli obei long komanmen blong God. Oli livim kakae mo prea mo oli kam tugeta plante blong harem toktok blong God.
Ol pipol oli glad.
I no gat ol man blong stil, i no gat ol man blong giaman, i no gat ol man blong kilim man i ded. Ol man ia oli nomo seperet olsem Ol Man blong Nifae mo Ol Man blong Leman, be oli wan nomo, oli ol pikinini blong Kraes.
Lod i blesem ol pipol ia long evri samting we oli mekem.
Oli laef long pis blong 200 yia. Ol pipol oli kam rij tumas.