Japta 44
Jisas I Blesem Ol Pikinini
Jisas Kraes i talem long Ol Man blong Nifae blong karem ol smol pikinini blong olgeta oli kam long Hem. Ol pikinini oli sidaon long graon kolosap long Jisas.
Sevya i talem long ol pipol blong nildaon. Mo Hem tu i nildaon mo i prea long Papa long Heven.
Prea blong Sevya long taem ia i gud tumas we i mekem se oli no save raetemdaon. I fulumap Ol Man blong Nifae wetem glad.
Afta long prea blong Hem, Jisas i talem se bae Ol Man blong Nifae oli kasem blesing from fet blong olgeta.
Hem i filim plante lav mo glad we i mekem se Hem i krae.
Mo Hem i tekem wanwan long ol pikinini mo Hem i blesem wanwan long olgeta. Hem i prea long Papa long Heven from olgeta, mo i krae bakegen.
Jisas i talem long Ol Man blong Nifae blong lukluk long ol pikinini blong olgeta.
Taem ol man oli stap lukluk i go, ol enjel oli aot long heven oli kam daon, mo oli raonem ol pikinini ia. Faea i raonem ol pikinini wetem ol enjel