Wan agrimen bitwin God mo man, be tufala i no gat sem samting blong mekem insaed long agrimen ia. God i givim ol kondisen blong kavenan, mo man i agri blong mekem wanem we God i askem man blong mekem. Afta, God i promesem ol blesing long man sapos oli stap obei.
Man i kasem ol prinsipol mo ol odinens tru long kavenan. Ol memba blong Jos we oli mekem ol kaen kavenan ia, oli mekem promes blong folem ol kavenan ia. Eksampol, ol memba oli mekem kavenan wetem Lod long taem blong baptaes, mo oli mekem bakegen ol kavenan ia taem oli tekem sakramen. Oli mekem moa kavenan insaed long tempol. Ol pipol blong Lod oli wan kavenan pipol mo oli kasem ol bigfala blesing taem oli stap kipim ol kavenan blong olgeta we oli mekem wetem Lod.