Long lanwis blong Gris, Aposol, i minim, âwan we oli sendem hem i kam.â Hem i taetol we Jisas i bin givim long Olgeta Twelef we Hem i bin jusum mo Hem i bin odenem blong stap olsem ol Aposol we oli stap kolosap long Hem, mo blong oli helpem Hem long taem blong seves blong Hem long wol ia (Luk 6:13; Jon 15:16). Hem i sendem olgeta i go blong oli ripresentem Hem mo seves blong Hem afta we Hem i go antap long Heven. Long tugeta kworom, hemia blong bifo, mo long Kworom blong Olgeta Twelef Aposol insaed long Jos we i kambak tedei, wan Aposol i wan spesel witnes blong Jisas Kraes long ful wol blong testifae se i tru we Jisas Kraes i kam long heven, mo i tru se Hem i laef bakegen long ded (Wok 1:22; D&K 107:23).