Jehova

Hem i kavenan mo stret nem blong God blong Isrel. I minim “Mi Stap we Mi Stap we mi no save finis” (Eks 3:14; Jon 8:58). Jehova i Jisas Kraes we i bin stap bifo laef long wol ia, mo i Hem we i bin kam long wol olsem boe blong Meri (Mos 3:8; 15:1; 3 Nif 15:1–5). Plante taem, taem toktok ia, Lod, i kamaot long OlTesteman, hem i minim “Jehova.”

Jehova Hem i Kraes

Ol profet blong bifo oli bin save Jehova (Eks 6:3; Ebr 1:16). Aposol Pol i tijim se Kraes i Jehova blong OlTesteman (Eks 17:6; 1 Kor 10:1–4). Brata blong Jared long Buk blong Momon i bin luk Kraes we i bin stap long laef bifo laef long wol ia, mo i bin wosipim Hem (Ita 3:13–15). Moronae tu i bin singaotem Kraes, “Jehova,” (Moro 10:34). Long Ketlan Tempol, Josef Smit mo Oliva Kaodri, tufala i bin luk Jehova we i bin laef bakegen long ded (D&K 110:3–4).