Dood, Geestelike

Skeiding van God en sy invloede; om te sterf met betrekking tot dinge wat met regverdigheid te make het. Lucifer en ’n derde deel van die leërskare van die hemel het ’n geestelike dood gely toe hulle uit die hemel gewerp is (L&V 29:36–37).

Geestelike dood is in die wêreld ingebring deur die Val van Adam (Moses 6:48). Sterflike mense met bose gedagtes, woorde en dade is geestelik dood terwyl hulle nog lewe op aarde (1 Tim. 5:6). Deur die Soendood van Jesus Christus en deur gehoorsaamheid aan die beginsels en ordinansies van die evangelie, kan mans en vroue rein word van sonde en die geestelike dood oorwin.

Geestelike dood vind ook plaas na die dood van die sterflike liggaam. Beide herrese wesens en die duiwel en sy engele sal geoordeel word. Diegene wat openlik gerebelleer het teen die lig en waarheid van die evangelie, sal ’n geestelike dood ly. Hierdie dood word dikwels die tweede dood genoem (Alma 12:16; Hel. 14:16–19; L&V 76:36–38).

Die mens is vry om vryheid en die ewige lewe te kies of om slawerny en die dood te kies, 2 Ne. 2:27 (2 Ne. 10:23; Alma 29:5; Hel. 14:30–31).
God het vir ons ’n weg berei om te ontkom van die dood en die hel, 2 Ne. 9:10.
Maak julleself los van die pyniginge van die hel dat julle nie die tweede dood mag ly nie, Jakob 3:11.
Die natuurlike mens is ’n vyand van God, Mosia 3:19.
Mag die Here aan julle bekering skenk, dat julle nie die tweede dood mag ly nie, Alma 13:30.
Alma was omring deur die ewigdurende kettings van die dood, Alma 36:18.
Die bose sterwe ten opsigte van dinge wat betrekking het op regverdigheid, Alma 40:26 (Alma 12:16).
Die val het oor die hele mensdom ’n geestelike dood gebring, Alma 42:9 (Hel. 14:16–18).