Opstanding

Die hereniging van die geestelike liggaam met die fisiese liggaam van vlees en been na die dood. Na die opstanding sal die gees en liggaam nooit weer geskei word nie en die persoon sal onsterflik word. Elke persoon wat op aarde gebore word, sal opstaan omdat Jesus Christus die dood oorwin het (1 Kor. 15:20–22).

Jesus Christus was die eerste persoon op die aarde om op te staan uit die dode (Hand. 26:23; Kol. 1:18; Openb. 1:5). Die Nuwe Testament gee voldoende bewys dat Jesus met sy fisiese liggaam opgestaan het: sy graf was leeg, Hy het vis en heuning geëet, Hy het ’n liggaam van vlees en been gehad, mense het Hom aangeraak, en die engele het gesê dat Hy opgestaan het (Mark. 16:1–6; Lk. 24:1–12, 36–43; Joh. 20:1–18). Openbarings van die laaste dae bevestig die werklikheid van die Opstanding van Christus en van die hele mensdom (Alma 11:40–45; 40; 3 Ne. 11:1–17; L&V 76; Moses 7:62).

Alle mense sal nie tot dieselfde heerlikheid opstaan nie (1 Kor. 15:39–42; L&V 76:89–98), ook sal almal nie op dieselfde tyd opstaan nie (1 Kor. 15:22–23; Alma 40:8; L&V 76:64–65, 85; 88:96–102). Baie Heiliges het opgestaan na Christus se Opstanding (Matt. 27:52). Die regverdiges sal opstaan voor die bose en sal uitkom in die Eerste Opstanding (1 Thes. 4:16); die onbekeerlike sondaars sal te voorskyn kom in die laaste opstanding (Openb. 20:5–13; L&V 76:85).

Grafte is geopen en baie liggame het opgestaan, Matt. 27:52–53 (3 Ne. 23:9).
Die Here het opgestaan, Lk. 24:34.
’n Gees het nie vlees en bene soos julle sien dat Ek het nie, Lk. 24:39.
Ek is die opstanding en die lewe, Joh. 11:25.
Die Twaalf Apostels het geleer dat Jesus opgestaan het, Hand. 1:21–22 (Hand. 2:32; 3:15; 4:33).
In Christus sal almal lewend gemaak word, 1 Kor. 15:1–22.
Die wat in Christus gesterf het, sal eerste opstaan, 1 Thes. 4:16.
Geseënd en heilig is hy wat deel het aan die eerste opstanding, Openb. 20:6.

Christus lê sy lewe neer volgens die vlees, en neem dit weer op sodat Hy die opstanding van die dode teweeg kan bring, 2 Ne. 2:8 (Mosia 13:35; 15:20; Alma 33:22; 40:3; Hel. 14:15).
Sonder die opstanding sal ons onderwerp word aan Satan, 2 Ne. 9:6–9.
Die opstanding sal oorgaan op alle mense, 2 Ne. 9:22.
Abinadi het geleer van die eerste opstanding, Mosia 15:21–26.
Die goddelose bly asof daar geen verlossing bewerkstellig is nie, behalwe vir die losmaking van die bande van die dood, Alma 11:41–45.
Alma het die toestand van die siel verduidelik tussen die dood en die opstanding, Alma 40:6, 11–24.

By die Here se koms sal die dode wat in Christus gesterf het, uitkom, L&V 29:13 (L&V 45:45–46; 88:97–98; 133:56).
Ween in besonder vir hulle wat geen hoop het op ’n heerlike opstanding nie, L&V 42:45.
Hulle wat geen wet geken het nie sal deel hê aan die eerste opstanding, L&V 45:54.
Hulle sal uit die dood opstaan en nie agterna sterwe nie, L&V 63:49.
Die opstanding van die dood is die verlossing van die siel, L&V 88:14–16.
Gees en element, onafskeidbaar verbind, ontvang ’n volheid van vreugde, L&V 93:33.
Engele wat herrese wesens is, het liggame van vlees en been, L&V 129:1.
Watter peil van intelligensie ons ook al in hierdie lewe bereik, sal met ons verrys in die opstanding, L&V 130:18–19.