Amabilidat, Karidat, i Amor

Mi kerido rumannan, mi ta honrá di e privilegio pa por dirigí mi mes na bosonan den e reunion mundial di poseedornan di saserdosio di Dios. E anochi aki mi ta referí na un tópiko di kual mi a yega di papia di dje.

E profeta Mormon a deskribí un di e karakterístika krusial di e Salbador i ku despues mester lo wòrdu adoptá pa Su disípulonan. E di:

“I si un hòmber ta humilde i mansu di kurason, i ta konfesá dor di e poder di e Spiritu Santu ku Jesus ta e Cristu, e mester tin karidat, pasó si e no tin karidat e ta nada; p’esei e mester tin karidat.

“I karidat ta sufrida, i e ta amabel i no tin envidia, i no ta orguyoso, ta buska su mes, i no ta wòrdu provoká fásilmente...

“P’esei, mi rumannan stimá, si bo no tin karidat, bo no ta nada, pasó karidat nunka no ta faya. P’esei, tene duru na karidat, ku ta esun di mas grandi, pasó tur kos mester faya---

Pero karidat ta e amor puru di Cristu, i ta dura pa semper i esun ku ta poseé esaki den e delaster dia, lo bai bon ku esaki.”¹

Hermanos, nos no ta honrando e saserdosio di dios si nos no ta amabel na otro nan.

Mi kerido amigu, i sosio Elder Joseph   B. Wirthlin tabata en bèrdat un hòmber amabel. El a bisa:

“Amabilidat ta e esensia di un bida selestial. [[ku] Amabilidat ta kon un persona ku ke parse Cristu ta trata otro. Amabilidat mester ta base di nos palabra i akshon na trabou, i spesialmente den nos hogar.

“Jesus, nos Salbador, ta e resúmen di amabilidat i kompashon” ²

E skritura ta siña nos ku e ehersementu hustu di e saserdosio ta dependé di [kon] nos ta biba e prinsipionan di amabilidat, karidat i amor. Den doktrina i Kombenio nos ta lesa:

“Ningun poder òf influensia por òf mester wòrdu mantené dor di virtut di e saserdosio, solamente por dor di persuashon,  ...dor di gentilesa i humildat i dor di amor ku no ta fingi.

“Dor di amabilidat, o konosementu puru, ku grandemente lo grandese e alma sin hipokresia, i sin engaño” ³

Hermanos, laga nos eksaminá nos bida i disidí pa sigui e Salbador Su ehèmpel dor di ta amabel, amoroso, yen di karidat. I si nos hasi esaki, nos lo ta den un mihó posishon pa yama e podernan di shelu pa nos mes, pa nos famianan, i pa nos ko biaheronan den e hornada aki ku ta tin biaha difísil pa bai bèk den e hogar selestial. Mi ta roga esaki den nòmber di JesuCristu, amèn.