E Poder di e Buki di Mormon

Mi rumannan stimá, mi ta saludá bosonan [di e manera di mas] kaluroso, [awor] ku nos ta topa atrobe den un gran konferensia general di E Iglesia di JesuCristu di e Santunan di e Delaster Dianan. Promé ku mi kuminsá mi mensahe formal awe, lo mi ke anunsiá sinku tèmpel nobo ku lo bai wòrdu traha den e siguiente kamindanan : Brasília, Brazil; greater Manila, Philippines, area; Nairobi, Kenya; Pocatello, Idaho, USA; i Saratoga Springs, Utah, USA.

E mainta aki mi ke papia di e poder di e Buki di Mormon i e nesesidat krítiko ku nos tin komo miembro di e Iglesia aki pa studia, skrudiñá, i apliká su enseñansanan den nos bida. E importansia di tin un testimonio firme i sigur di e Buki di Mormon no por wòrdu sufisientemente eksagerá.

Nos ta biba den un tempu di hopi problema i maldat. Kiko lo protehá nos di piká i maldat asina predominante den e mundu awendia? Mi ta mantené ku un testimonio fuerte di nos Salbador JesuCristu i di Su evangelio lo yuda nos pasa dor di esaki pa seguridat. Si bo no ta lesando e Buki di Mormon tur dis, por fabor hasi esaki. Si bo lo les’é den orashon i ku un deseo sinsero pa sa e bèrdat, e Spiritu Santu lo manifestá su bèrdat na bo. Si e ta bèrdat—i mi ta testifiká solemnemente ku e ta---- e ora ei José Smith tabata un profeta ku a mira Dios e Tata i Su Yu, JesuCristu.

Dor kui e Buki di Mormon ta bèrdat, E Iglesia di JesuCristu di e Santunan di e Delaster Dianan ta Señor su Iglesia na mundu, i e santu saserdosio di Dios a wòrdu restourá pa e benefisio i bendishon di Su yunan.

Si bo no tin un testimonio firme di e kosnan aki, hasi loke ta nesesario pa optené unu. E ya esensial pa bo haña bo propio testimonio den e tempu difísil aki, pasó e testimonio di otro lo karga esun di bo un distansia so. Sinembargo, ora bo tin e, un testimonio mester keda mantené vital i bibu dor di obediensia kontinuo na e mandamentunan di Dios i dor di orashon diario i estudio skritura.

Mi kerido sosionan den e obra di e Señor, mi ta implorá kada unu di bosonan pa den orashon studia i skrudiñá e Buki di Mormon kada dia. Segun nos hasi asina, nos lo ta den e posishon pa skucha e bos di e Spiritu, pa resistí tentashon, pa vense duda i miedu, i pa risibí ayudo den nos bida. Asina mi ta testifiká ku hinter mi kurason, den e nòmber di JesuCristu, amèn.