Kantikanan Kantá i No kantá

“Gran goso tin den mi alma awe,” Eliza Hewitt a skibi, “mas glorioso i kla ku ta bria den kualke un shelu di mundu, paso Jesus ta mi lus.”¹ Ku splendor den kada nota, e himno Cristian bieu maravioso ei ta kasi imposibel di kanta sin un sonrisa. Pero awe mi ta spera di saka for di konteksto un liña for di dje ku por yuda riba dianan ora ku nos haña ku ta difísil pa kanta òf smail i “momentunan kontentu yen di pas” no ta parse di bini. Si pa un momentu bo no por eko e melodia di goso ku bo ta tende di otro hende, mi ta puntra bo pa tene duru na e liña ku e himno aki ta sigurá, “Jesus ku ta skucha ta tende e kantikanan ku [abo] no por kanta.”²

Entre e realidatnan ku nos ta enfrentá komo yunan di Dios, biba den un mundu ku a kai, tin algun dia ta difísil, dianan ora ku nos fe i nos fortalesa ta wòrdu di tèst. E retonan aki por bini di un falta den nos mes, falta di otro, òf simplemente falta den bida, pero no ta importá e rason, nos ta haña ku nan por roba nos di kantikanan ku asina tantu nos ke kanta i ta eklipse e promesa di primavera den alma”³ ku Eliza Hewitt ta selebrá den un di su versonan.

Pues ta ku kiko nos lo hasi den momentunan asina? Un kos sigur ta: nos ta tuma e konseho ku e Apòstel Pablo ta duna tene duru i “tin speransa pa e kos ku nos no ta mira ..... [i] ku pasenshi warda riba dje.”⁴ Den e momentunan ei ora ku e melodia di goso kai mas abou ku nos poder pa ekspresá, porta nos mester para ketu un ratu i simplemente skucha e otronan, sakando fòrsa for di e splendor di e músika rònt di nos. Hopi di nos ku ta “un reta musikal” a haña nos konfiansa fortifiká i nos kansion remarkabel improvisá dor di pone nos mes banda di un hende ku un bòs mas fuerte i sierto. Sigur ku ta nesesario den e kanto di e Himno di eternidat, pa para mas serka ku ta posibel banda di e Salbador i Redentor di mundu---- ku tin tono apsolutamente perfekto. Nos por tene kurashi for di Su abilidat di tende nos silensio i tin speransa for di Su interseshon di e Mesias melodioso ku el a hasi pa nos. En bèrdat ta ku “ora ku Señor ta serka”, “e palomba di pas ta kanta den mi kurason [i] e flornan di miserikòrdia ta paresé.”⁵

Riba e dianan ei ora ku nos ta sinti nos mes un tiki for di tono, un tiki ménos di loke nos ta pensa ku nos ta mira òf skucha for di otro, mi lo puntra nos mes, espesialmente e hóbennan di Iglesia, pa kòrda ku ta dor di diseño divino ku no ta tur stèm den e koro di Dios ta mes un kos. Bo mester di variedat---- soprano, alto, báritòn i bas---- pa hasi músika riku. Pa fia un liña for di e korespondensia alegre di dos muhé remarkabel Santu di delaster Dia, “Tur Dios su kriaturanan tin un lugá den e koro.”⁶ Ora ku nos disminuí e kos ku ta hasi nos úniko òf trata di konformá na stereotípiko fiktisio----- stereotípikonan kondusí dor di un kultura di konsumidó hambrá i idealisá mas ku nunka por wòrdu realisá dor di sosial media---- nos ta pèrdè nos rikesa di tono i melodia ku Dios a komprondé ora ku E a krea un mundu di diversidat.

Awor, esaki no kermen ku tur hende den e koro divino aki por simplemente kuminsá grita su mes oratorio personal. Diversidat no ta un kakafonia, i koronan ta rekerí disiplina---pa nos propósito di awe, Elder Hales, mi lo bisa disípulado---pero e momentu ku nos a aseptá letranan divinamente revelá i orkesta harmonioso kompositá promé ku mundu tabata eksistí, nos Tata Selestial ta deleitá pa tende nos usa nos mes stèm, no di ningun otro hende. Mas ku esaki, no bandoná bo ròl den e koro. Dikon? Pasó bo ta úniko i inremplasabel. E pèrdida di hasta un bòs ta disminuí kada otro kantante den e gran koro mortal di nos aki, inkluso e pèrdida di esnan ku ta sinti ku nan ta kai pafó di e kuadro di sosiedat òf e kuadro di Iglesia.

Pero hasta den e momentu ku mi ta kurashá boso tur pa tin fe konserní kantikanan ku por ta difísil pa kanta. Mi ta atmití ku pa diferente rason mi ta lucha ku otro típo di kantikanan ku lo mester —pero ainda no por--- wòrdu kantá.

Ora mi mira e desigualdat ekonómiko deskonsernante den mundu, mi ta sinti mi kulpabel kantando ku señora Hewitt di “ bendishonnan ku [Dios] ta duna mi awor, [i] goso ‘ta wardá’ ariba.”⁷ E refrein ei no por wòrdu henteramente, fielmente kantá te ora ku nos kuida esun pober ku honor. Deprivá ekonómiko ta un maldishon ku ta sigui maldishoná, aña tras di aña i generashon tras di generashon. E ta daña kurpanan, mutilá almanan, hasi daño na famianan i destruí soñonan. Si nos por hasi mas pa aliviá pobresa, manera Jesus diferente biaha ta manda nos hasi, porta algun di esnan ménos afortuná den e mundu aki por neuri un par di nota di “ Gran goso tin den mi alma awe”, porta pa promé biaha den nan bida.

Tambe mi ta haña difísil pa kanta letranan alegre i animá ora ku asina tantu hende rondó di nos ta sufri di malesanan mental i emoshonal òf otro limitashon di salú ku ta kaba ku hende. Desafortunadamente, e karganan aki tin biaha ta persistí no opstante e esfuersonan balente di hopi diferente tipo di kuidadó, inkluso miembronan di famia Mi ta hasi orashon ku nos no laga e yunan di Dios aki sufri den silensio i ku nos lo wòrdu dotá ku Su kapasidat pa tende e kantikanan ku nan no por kanta.

I algun dia mi ta spera un gran koro mundial lo harmonisá dor di tur liña rasial étniko, deklarando ku arma, kalumnia i ásido sulfúriko no ta e manera pa anda ku konflikto humano. E deklarashon di shelu ta sklama na nos ku e úniko manera ku sirkunstansianan kompleho den sosiedat por wòrdu resolvé satisfaktorio ta dor di stima Dios i warda Su mandamentunan, i di e manera ei habri e porta pa úniko kaminda ku ta dura i salba pa stima un ke otro komo bisiña. E profeta Ether ta instruí ku nos lo mester “ tin speransa pa un mihó mundu.” Lesando e pensamentu ei mil aña despues, Moroni, ku tabata kansá di guera i violensia, a deklará ku e “kaminda mas ekselente” pa yega na e mundu ei semper lo ta e evangelio di JesuCristu.⁸

Kon gradisí nos ta ku entre tur e sorto di retonan aki, ta bini di tempu en tempu, un otro tipo di kantika ku nos ta haña nos inkapasitá di kanta, pero pa un otro rason. Esaki ta ora ku sentimentunan ta asina hundu i personal, hasta asina sagrado, ku nan no por òf no mester wòrdu ekspresá----manera Cordelia su amor pa su tata, di kende el a bisa, “ Mi amor ta.......mas riku ku mi lenga.  … mi no por hinka mi kurason den mi boka.”⁹ Yegando serka nos manera algu sagrado, e sentimentunan aki simplemente ta ku no por wòrdu ekspresá l--- spiritualmente ku no por wòrdu ekspresá---- manera e orashon ku Jesus a ofresé pa e yunan di e Nefitanan. Esnan ku a mira e evento ei a nota:

“Wowo nunka a mira, ni orea ku a tende… asina kosnan grandi i maravioso ku nos a mira i tende Jesus papia ku su Tata;  

“… ningun lenga por papia, ni por wòrdu skibí dor di kualke hende, ni e kurason di hende komprondé tan kosnan grandi i maravioso ku nos tantu a mira i tende Jesus papia.””¹⁰

E tio di momentunan santifiká aki ta keda ku no por wòrdu ekspresá dor ku ekspreshon, hasta si e lo tabata ta posibel, por wòrdu sintí komo profanashon.

Rumannan hòmber i muhé, nos ta biba den un mundu mortal ku hopi kantikanan ku nos no por òf no a kanta ainda. Pero mi ta boga ku kada un di nos keda permanentemente i fielmente den e koro, kaminda nos por saboriá pa semper e himno di mas presioso di tur--- “e kantika di amor ku ta salba.”¹¹ Afortunadamente, e stulnan pa e kantika partikular aki ta sin limitashon. Tin lugá pa esnan ku ta papia diferente lenga, selebrá diferente kulturanan, i biba na yen di diferente kaminda. Tin lugá pa esun ku ta soltero, esun kasá, pa famianan grandi i esnan sin yu. Tin lugá pa esnan ku den pasado tabatin preguntanan tokante nan fe i lugá pa esnan ku ainda tin e preguntanan aki. Tin lugá pa esnan ku atrakshon seksual distinto. En korto, tin lugá pa tur ku stima Dios i ta honra Su mandamentunan komo e dùimstòk inviolabel pa komportashon personal, pasó si ta amor pa Dios ta e melodia di nos kantika kompartí, sigur nos búskeda kolektivo di obedesé E ta e harmonia indispensabel den dje. Ku mandamentunan divino di amor i fe arepentimentu i kompashon, honestidat i pordon, tin lugá den e koro aki pa tur ku ta deseá pa ta einan.¹² “Bini manera bo ta,” un Tata amoroso ta bisa na kada un di nos, pero E ta añadí, “No plania di keda manera bo ta” Nos ta smail i rekordá ku Dios ta determiná pa hasi nos mas di loke nos a pensa ku nos por ta.

Den e gran oratorio ku ta Su plan pa nos eksaltashon, ku humildemente nos por sigui su staf i sigui traha riba e kantikanan ku nos no por kanta, te ora ku nos por ofresé e “kansionnan pa nos Rei.”¹³ Ora ei un dia, manera nos himno stimá ta bisa:

Mi ta testifiká ku e momentu ei lo yega, ku Dios nos Tata Eterno lo manda Su Yu Unigenito mundu atrobe, e biaha aki pa manda i reina komo Rei di tur Rei pa sèmper. Mi ta testifiká ku esaki ta Su Iglesia restourá i ta e vehíkulo pa trese e siñansanan i ordenansanan ku ta salba di Su evangelio pa henter humanidat. Ora ku Su mensahe a “penetrá kada kontinente [i] bishitá kada klima,”¹⁵ Jesus lo en bèrdat “[mustra] su kara ku un sonrisa,”¹⁶ i sigur lo tin goso eterno pa e alma e dia ei. Pa e ora primintí aki por yega mi ta hasi orashon ansioso, den e nòmber di JesuCristu, amèn.