Regresá i Risibí
Pa regresá na Dios su presensia i pa risibí e bendishonnan eterno ku ta bin for di hasi i mantené e kombenionan ta un di e metanan mas importante ku nos por pone.
Rumannan, ta awor mi asignashon pa papia na boso, i bo asignashon ta pa skucha. Mi meta ta pa terminá mi asignashon promé ku boso terminá di boso. Lo mi hasi mi esfuerso.
Den e último añanan, mi a opservá ku esnan ku logra mas tantu den e mundu aki ta esnan ku tin un vishon di nan bida, ku metanan ku ta tene nan enfoká den nan vishon i ku plannan táktiko pa kon logra nan. Sabiendo unda bo ta bayendo i kon bo ta spera di yega einan por trese sentido, propósito, i logro den bida.
Algun tin difikultat pa diferensia entre meta i un plan te ora nan siña ku un meta ta un destinashon òf un fin miéntras ku un plan ta e ruta pa medio di kua lo bo yega. Por ehèmpel, nos por tin e meta di stür bai un lugá no konosí, i manera algun di boso hermananan sa, nos hòmbernan semper ta pensa ku nos sa kon yega einan – hopi bia resultando den loke nos ta bisa, “mi sa – e mester ta djis den e skina siguiente.” Mi kasa ta hari. E meta ta kla, pero no ta tin un bon plan pa por yega e destinashon.
Pone meta ta esensialmente “kuminsá ku e fin den mente.” I planifiká ta ideá e kaminda pa yega na e final. Un yabi pa felisidat ta sinta den komprondé kua destinashon berdaderamente ta importante – i despues dediká nos tempu, esfuerso, i atenshon na e kosnan ku ta konstituí un manera sigur pa yega einan.
Dios, nos Tata Selestial, a duna nos e ehèmpel perfekto di fiha meta i planifiká. Su meta ta “pa logra inmortalidat i bida eterno di hende,”1 i Su manera pa logr’e ta su plan di salbashon.
Nos kerido Tata Selestial su plan ta inkluí duna nos un kresementu, estiramentu, un aprendisahe, i un mortalidat físiko pa medio di kua nos por bira mas manera E. Bistiendo nos espíritunan eterno den kurpanan físiko: biba konforme e enseñansa di mandamentunan di Su Yu, Señor Jesucristo; i forma famianan eterno ta permití nos, pa medio di e Ekspiashon di e Salbador, pa kumpli ku Dios su meta di inmortalidat i bida eterno pa Su yunan huntu ku n’E den Su reino selestial.
Fiha metanan di un manera sabio ta inkluí e entendimentu ku e metanan a korto plaso ta solamente efektivo si nan ta hiba nos na metanan di largo plaso bon definí. Mi ta kere ku un yabi importante pa felisidat ta pa siña kon pa fiha nos propio metanan i establesé nos propio plan den e herante di nos Tata Selestial su plan eterno. Si nos enfoká den e kaminda eterno aki, inevitablemente nos lo kalifiká pa regresá den su presensia.
Ta bon pa nos tin metanan i plannan pa nos karera, nos edukashon, hasta pa nos wega di gòlf. Ta importante tambe pa nos tin metanan pa nos matrimonio, nos famianan, i nos konsehonan di Iglesia i yamamentu; esaki ta spesialmente bèrdat pa misioneronan. Pero nos meta mas prinsipal mester por pas den e plan eterno di nos Tata Selestial. Hesus a bisa,”Buska promé e reino di Dios su hustisia, i tur sobra kos lo wòrdu añadí n’abo.” 2
Ekspertonan den fihamentu di meta ta bisa nos ku mas simpel i mas stret un meta ta, mas poder e lo tin. Ora nos por redusí un meta na un imágen kla òf un òf dos palabra poderoso i simbóliko, e meta ei por bisa parti di nos i guia virtualmente kada kos ku nos pensa i hasi. Mi ta kere ku tin dos palabra ku, den e konteksto aki, ta simbolisá Dios su meta pa nos i e metanan mas importante pa nos mes. E palabranan aki ta regresá i risibí.
Pa regresá na Su presensia i pa risibí e bendishonnan eterno ku ta bin dor di hasi i warda e konvenionan ta e meta mas importante ku nos por fiha.
Nos ta regresá i risibí dor di e “fe inkrebrantabel den [Señor Jesucristo}, konfiando solamente den” Su méritonan, siguiendo “dilanti ku firmesa den Kristu, teniendo un brio perfekto di speransa, i un amor pa Dios tu hende … , disfrutando di e palabranan di Kristu, i perseverando ten a final.”3
Lusifèr no a akseptá e plan di nos Tata pa permití nos regresá na Su presensia i risibí Su bendishonnan. En realidat, e la rebeldia i purba na modifiká kompletamente e plan di nos Tata, buskando pa tuma e gloria, honor, i poder di Dios pa e mes. Komo resultado, e la wòrdu saka huntu ku su siguidónan for di e presensia di Dios i a “bisa Satanas, si, esta e demoño, e tata di tur mentira, pa gaña i hasi tu hende siegu, i guia nan na koutiverio konforme su boluntat, na kuantu di nan ku nos ke skucha na [Señor] su bos.”4
Pa motibu di su eskohonan premortal, Satanas no por regresá ni risibí. E úniko kos ku a sobra pe ta oponé e Tata su plan usando kada engaño i tentashon posibel pa kibra nos i hasi nos mesun miserabel ku ne.5 E plan di Satanas pa logra di meta diabóliko ta apliká na kada individuo, generashon, kultura, i komunidat. E ta husa stèmnan duru – stèmnan ku ta buska pa stroba e bos apasivo di e Espíritu Santu ku por mustra nos “tur kos” ku nos mester hasi pa regresá i risibí.6
E stèmnan aki ta pertenesé na esnan ku ta pone e evangelio un banda i ku ta usa e internèt, e media sosial i di print, radio, televishon, i pelíkulanan pa presentá den un manera konvisente inmoralidat, violensia, lenguahe mahoso, sushedat, i porkeria den un manera ku ta distraí nos for di nos metanan i e plannan ku nos tin pa eternidat.
E stèmnan aki por inkluí individuonan ku bon intenshon ku ta siegu dor di e filosofianan sekular di hende hòmber i muhé pa buska pa destruí e fe i desviá e enfoke eterno di esnan ku simplemente pa purba na regresá den presensia di Dios i risibí “tur loke [nos] Tata tin.”7
Mi a bin sa ku pa keda enfoká riba regresá i risibí e bendishonnan prometé, mi mester di regularmente tuma tempu pa puntra mi mes, “Kon mi ta pará?”
Ta manera tin un entrevista personal i priva ku bo mes. I si esei no ta zona usual, pensa riba dje: ken den e mundu aki konosé bo mihó ku bo mes konosé bo mes? Abo konosé bo pensamentunan; bo akshonnan priva; bo deseonan; i bo soñonan, metanan, i plannan. I abo sa mihó ku kualke hende kon bo ta progresando riba e kaminda pa regresá i risibí.
Komo un guia p’abo durante mi revishon priva i personal, mi gusta lesa i meditá riba e palabranan ku ta pone wak den mi mes ku nos ta haña den e di sinku kapítulo di Alma, kaminda Alma ta puntra: “Bo a wòrdu nase spiritualmente di nobo di Dios? Bo a risibí su imágen den bo rostro? Bo a eksperensia su gran kambio den bo kurason?8 Alma su preguntanan ta un rekordatorio di kiko nos metanan i plannan mester inkluí pa nos por regresá i risibí.
Kòrda e invitashon di e Salbador pa “bin serka mi, tur esnan ku ta traha i ta kansa, i ami lo duna bo sosiegu.
“Tuma mi yugo riba bo, i siña di mi; pasombra mi ta mansu i humilde di kurason: i lo bo haña deskanso pa boso almanan.”9
Miéntras nos ta oumentá nos fe den e poder di Señor Jesucristo pa duna deskanso na nos almanan dor di pordoná pikanan, redimí relashonnan imperfekto, kura heridanan spiritual ku ta stroba kresementu, i fortalesé i permití nos pa desaroyá e atributonan di Kristu, nos lo por apresiá mas profundamente e magnitut di e Ekspiashon di Señor Jesucristo.10
Durante e simannan benidero, buska tempu pa revisá e metanan di bo bida i bo plannan i sòru pa nan ta riba e mesun liña ku e gran plan pa nos felisidat di nos Tata Selestial. Si bo mester di arepentí i kambia, konsiderá esei awor. Tuma tempu pa konsiderá den orashon kiko ta e ahustenan ku bo mester pa yuda bo “keda fiha riba e gloria di Dios.”11
Nos mester mantené e doktrina di e evangelio di Jesucristo na e sentro di nos metanan i plannan. Sin dje, nos meta eterno no ta posibel, i nos plannan pa logra nos metanan eterno sigur lo frakasá.
Un ayudo adishonal ta “E Kristu Viviente: E Testimonio di e Apòstelnan,”12 kua a wòrdu presentá na Iglesia dia un di Yanüari 2000. Pone un kopia kaminda bo por mir’e, i tuma tempu pa revisá kada deklarashon hañá den e testimonio inspirá di Kristu pa medio di Su testigunan spesial ku a firme.
Mi ta urgi bo pa studia huntu ku ne “E Famia: Un Proklamashon na Mundu.” Nos ta papia hopi tokante e proklamashon di famia, pero kòrda pa les’e den e lus di e poder salbador di e Kristu bibiente. Sin e Kristu bibiente, nos ekspektativanan mas indulgente no por wòrdu kumpli. Manera e proklamashon di famia ta indiká, “E plan divino di felisidat ta abilitá e relashonnan familiar pa kontinuá despues di e morto. Ordenansanan i kombenionan sagrado ku ta disponibel den e tèmpelnan ta hasi posibel pa individuonan por regresá bek den presensia di Dios i pa famianan por ta uni eternamente.”13
Esaki por pasa solamente pasobra e Kristu bibiente ta e Salbador ku a ekspia i Redentor di mundu.
Den e kuadro aki, bo por konsiderá tambe pa studia e eskrituranan pa ekspandé bo konosementu di e bèrdatnan spesífiko enkontra den “E Kristu Bibiente.”
Lesa bou di orashon “E Kristu Bibiente” ta manera lesa e testimonionan di Mateo, Marko, Lukas, Juan, i e profetanan di e Buki di Mormon. E lo oumentá bo fe den e Salbador i yuda bo mantené bo mes enfoká riba dje ora bo ta sigui su plan pa logra bo metanan eterno.
No opstante nos fayonan, flakesanan, desviashon, i pikanan, Jesucristo su Ekspiashon ta permití nos pa arepentí, prepará pa regresá i risibí e bendishonnan inkomparabel ku Dios a primintí - pa bida pa semper ku e Tata i e Yu den e grado mas haltu di e reino selestial.14
Awó manera boso tur sa, ningun di nos ta skapa e morto; p’esei, nos meta a largo plaso i nos plan mester ta pa nos regresá na nos Tata Selestial, nos lo risibí “tur lo ke E a plania pa kada un di nos.15
nos Mayornan Selestial i nos amado Salbador, Señor Jesucristo. Pero e ta mas ku ku solamente nos meta – e ta tambe Nan meta. Nan tin un amor perfekto pa nos, mas poderoso ku nos por kuminsá komprondé. Nan ta totalmente, kompletamente, i eternamente alinea ku nos. Nos ta Nan obra. Nos gloria ta Nan gloria. Mas ku kualke kos, Nan ke pa nos bin kas – pa regresá i pa risibí felisidat eterno den Nan presensia.
Mi kerido rumannan, den un siman, nos lo selebrá Djadumingu di Rama – konmemorando e entrada triunfal di Kristu den Jerusalem. Den dos siman, nos lo selebrá Djadumingu di Resurekshon, konmemorando e Salbador su triunfo riba morto.
Ora nos ta enfoká nos atenshon riba e Salbador durante e dos djadumingu spesialnan aki, laga nos rekordá E i renobá nos kompromiso eterno pa warda Su mandamentunan. Laga nos wak mas profundo den nos propio bida, fiha nos metanan i enfokando nos plannan riba e mesun liña ku esun di Dios den un manera ku finalmente lo guia nos na e privilegio presioso di regresá i risibí – kua ta mi orashon den nòmber di Jesucristo, amèn.