!Stap Wan Laet!
“Leftemap laet blong yufala blong mekem se i save saen long wol. Luk mi mi laet we yufala i mas leftemap—ol samting we yufala i bin lukim mi mi mekem” (3 Nifae 18:24).
Yumi save stap olsem wan laet long ol narawan taem yumi stap olsem wan tru fren. Ridim ol tingting andanit ia mo ademap samfala tingting blong yu. Evri taem yu raetem wan nem blong wan we yu wantem soem lav long hem, kalarem moa san ia.
-
Lavem ol narawan: !Yu save mekem wan samting i jenis long laef blong olgeta! Kraes i gat lav long olgeta, so traem blong soem lav ia long olgeta.
Huia: __________________________
-
Fogiv: Sapos wan i mekem yu harem nogud, traem luk samting olsem we olgeta oli luk. Yu save help blong mekem hat blong olgeta i sopsop sapos yu fogivim olgeta.
Huia: __________________________
-
Leftemap Tingting: Talem ol gud toktok long ol fren blong yu abaot ol samting we oli save mekem gud. Luk samting we i gud long olgeta iven sapos oli nid blong kam antap moa long hem. !Taem yu stap gud oltaem, i save helpem olgeta tu!
Huia: __________________________
-
Lisin long Tabu Spirit: Ol toktok blong yu oli save jenisim wan nogud taem i kam wan gudfala taem. Tabu Spirit i save helpem yu blong save wanem blong talem mo olsem wanem blong soem fasin we i kaen.
Huia: __________________________
-
Neva Gosip: Ol toktok we oli no kaen oli save mekem man i harem nogud. Givim janis long ol narawan, mo sarem ae long ol nogud tingting.
Huia: __________________________
-
Sapotem Ol Fren blong Yu: Blong jes soem fes long wan spot gem blong wan fren, o drama long skul i save helpem olgeta blong filim lav blong yu.
Huia: __________________________
-
Invaetem Ol Narawan blong Lanem Abaot Gospel: Iven sapos oli no akseptem wanem we yu stap talem, yu bin soem se yu kea inaf blong serem wetem olgeta.
Huia: __________________________
-
Mekem Fren wetem Ol Defren Kaen Pipol: Ol nara man tu oli gat fulap gud samting blong serem. Kraes i helpem mo i lavem evri pipol nomata wanem i stap.
Huia: __________________________