Sam Tingting blong Famli Haos Naet
Magasin ia i gat ol stori mo ol aktiviti we oli save yusum long famli haos naet. I gat tufala eksampol i stap ia.
“Oli Luk Hem,” pej 58: Afta we yu ridim atikol ia olsem wan famli, yufala i save toktok raon long samfala wei we yufala i save stap ol witnes blong Kraes, nating yufala i no stap luk Hem. Yu save tingting long samfala aedia blong kam kolosap moa long Sevya, olsem faenem sam janis blong givim seves long ol rifuji long komuniti blong yu, blong stap lanem abaot laef blong Sevya long taem blong skripja stadi, lukaotem bebi blong wan kapol blong tufala i save go long tempol, o blong go helpem wan fren we i stap long nid Yu save wajem tu, vidio we oli faenem long mormon.org/easter mo tingting hevi long hamas nao Kraes mo Laef Bakegen long Ded blong Hem i impoten long laef blong yumi.
“Rere blong Go long Tempol Evri Dei,” pej 69: Yu save tingting blong holem wan “famli histri mo tempol naet” long taem blong famli haos naet. Yu save lanem olsem wanem blong mekem indeks blong ol nem, mo olsem wanem blong lukaotem ol nem blong ol famli rekod, o blong toktok raon long hamas ol tempol odinens oli impoten, mo lukluk long ol pikja blong ol tempol raon long wol. Sapos yu stap kolosap long wan tempol, yufala i save go visitim graon blong tempol mo toktok raon long olsem wanem nao ol tempol oli save tekem yumi i kam kolosap moa long Papa long Heven mo oli save helpem yumi blong filim lav blong Hem.