Promes mo Kavenan blong Prishud

Pikja

Kansas City Missouri Temple

Yumi, ol sista, taem bae moa yumi andastanem se promes mo kavenan blong prishud hem i blong yumi wanwan tu, nao moa bae yumi akseptem ol blesing mo ol promes blong prishud.

Elda M. Russel Ballard blong Kworom blong Olgeta Twelef Aposol i talem: “Evriwan we i bin mekem ol tabu kavenan wetem Lod mo oli givim ona long ol kavenan ia, oli save kasem revelesen blong olgetawan, oli save kasem blesing tru long seves blong ol enjel, mo oli save toktok wetem God, oli save kasem fulwan blong gospel, mo long en, oli save kasem, wetem Jisas Kraes, evri samting we Papa blong yumi i gat.”¹

Ol blesing mo ol promes blong promes mo kavenan blong prishud, hem i blong ol man mo ol woman. Sista Sheri L. Dew, wan foma kaonsela long Rilif Sosaeti Jeneral Presidensi i bin talem: “Ful prishud we i stap long ol hae odinens blong haos blong Lod, wan man mo woman we tufala i stap tugeta nomo i save kasem.”²

Sista Linda K. Burton, Rilif Sosaeti Jeneral Presiden, i bin mekem singaot ia: “Mi invaetem yufala blong lanem baehat promes mo kavenan blong prishud, we i stap long Doktrin mo Kavenan 84:33–44. Taem yumi mekem olsem, mi promesem yufala se Tabu Spirit bae i openem andastaning blong yufala abaot prishud, mo bae i givim insperesen mo bae i leftemap yu long ol gudfala wei.³

Ol instraksen blong Josef Smit i go long Rilif Sosaeti i blong mekem ol woman oli rere “blong kasem ol spesel janis mo ol blesing mo ol presen blong prishud.” Hemia i save kamtru tru long ol odinens blong tempol.

“Ol tempol odinens oli ol prishud odinens, be oli no givim ol ofis blong lidasip long ol man o ol woman. Ol odinens ia oli mekem promes blong Lod i kamtru, we i talem se ol pipol blong hem—ol woman mo ol man—bae oli kasem paoa we i kam long heven [luk long D&C 38:32].”⁴

Pikja

Relief Society seal