Yut
Givim Seves long Ol Narawan Wetem Fet
Presiden Uchtdorf i stap talem long yumi se fet blong yumi long God i mas “kam wetem aksen.” Hem i eksplenem se taem fet blong yumi “i joen wetem aksen oltaem, i fulumap … sol wetem pis mo lav.” Wetem promes blong blesing ia, yumi save jenisim samting, mo yumi save luk hemia long laef blong yumi sapos yumi tekem taem blong givim seves wetem fet. Yu save prea evri moning blong askem Lod blong help blong givim seves long ol narawan. Eksampol, askem Hem blong soem long yu taem brata mo sista blong yu i nidim help wetem wan wok long haos, o taem wan fren i nidim blong harem wan naes toktok. Afta, taem yu kasem wan toktok long Spirit, !tekem aksen folem! Sapos yu mekem ol prea ia, mo mekem fasin blong givim seves i wan fasin blong yu, nao bae yu luk se ol fetful aksen we yu stap mekem oltaem bae oli blesem laef blong yu mo laef blong ol narafala man. Presiden Uchtdorf i promesem se yu save “jenisim fulwan wanwan man, woman, famli, nesen, mo wol.”