Ol Stori blong Jisas
Jisas i Givim Sakramen long Yumi
Jisas i bin save se taem blong Hem long wol ia, kolosap i finis. Hem i pulum tugeta ol Aposol blong Hem blong Las Sapa. Hem i givim olgeta sakramen mo i bin askem olgeta blong tingbaot Hem oltaem.
Jisas i bin go long wan garen blong prea. Hem i harem nogud from evri sin, mo evri nogud samting long laef blong evri man mo woman. Afta, Hem i ded long wan kros mo oli bin berem Hem long wan hol blong ston.
Wan Sandei moning, afta we Jisas i ded, sam woman oli kam long hol blong ston. Ston we i stap long doa, oli rolem i go, !mo hol blong ston ia i emti i stap! ?Jisas i stap wea?
!Hem i stap laef bakegen! Meri Magdala i bin luk Jisas. Hem i bin visitim ol Aposol blong Hem blong oli rere blong tijim gospel afta we bae Hem i gobak long heven.
Taem mi kakae sakramen, mi stap tingbaot Jisas. Mi tingbaot se !Hem i bin laef, mo Hem i bin ded, mo Hem i bin laef bakegen long ded from mi, blong mekem se mi save laef bakegen!