దైవికమైన తల్లిదండ్రుల పాఠాలు

మనము మన కుటుంబాలతో సువార్త సంస్కృతి యొక్క ఉన్నత స్థితిని అధిరోహించాలి. అధ్యక్షులు రస్సెల్ ఎమ్. నెల్సన్ ప్రకటించారు: “కుటుంబాలు పరలోకము నుండి నడిపింపును పొందడానికి అర్హత కలిగియున్నాయి. తల్లిదండ్రులు వ్యక్తిగత అనుభవము, భయము, లేదా సానుభూతి నుండి సమృద్ధిగా ఉపదేశించలేరు.”⁴

మన సాంస్కృతిక నేపథ్యములు, పిల్లల పెంపకం రీతులు, మరియు వ్యక్తిగత అనుభవాలు తల్లిదండ్రులుగా ఉండటానికి విలువైన అనుభవాలు అయినప్పటికినీ, ఈ సామర్ధ్యములు మన పిల్లలు పరలోకమునకు తిరిగి వెళ్ళుటకు సహాయపడటానికి సరిపోవు. మనకు మరింత ఉన్నతమైన “విలువలు మరియు ఆచరణలకు”⁵ ప్రవేశము కావాలి, ప్రేమ, అంచనాల రెండిటి సంస్కృతి, అక్కడ మనం మన పిల్లలతో “ఉన్నతమైన, పరిశుద్ధమైన విధానాలలో” ⁶ సంభాషిస్తాము. అధ్యక్షులు డాల్లిన్ హెచ్. ఓక్స్ సువార్త సంప్రదాయాన్ని ఇలా వర్ణించారు, “జీవితము యొక్క విశిష్టమైన విధానము, విలువల వర్గము, అంచనాలు, మరియు ఆచరణలు. … ఈ సువార్త సంస్కృతి రక్షణ ప్రణాళిక నుండి, దేవుని ఆజ్ఞలు, మరియు జీవిస్తున్న ప్రవక్తల బోధనల నుండి … వచ్చును. అది మన కుటుంబాలను పెంచే విధానంలో మరియు మన వ్యక్తిగత జీవితాలను జీవించే విధానములో మనల్ని నడిపిస్తుంది.”⁷

యేసు క్రీస్తు ఈ సువార్త సంస్కృతికి కేంద్రము. మన కుటుంబాలలో సువార్త సంస్కృతిని అవలంబించడం అనేది విశ్వాసం అనే విత్తనం వర్ధిల్లగలిగే సారవంతమైన వాతావరణాన్ని సృష్టించుటకు చాలా కీలకమైనది. ఉన్నత స్థితికి అధిరోహించడానికి, “యేసు క్రీస్తు యొక్క సంఘ బోధనలకు వ్యతిరేకమైన వ్యక్తిగత లేదా కుటుంబ ఆచారాలు లేదా ఆచరణలను వదిలి వేయమని”⁸ అధ్యక్షులు ఓక్స్ మనల్ని ఆహ్వానిస్తున్నారు. తల్లిదండ్రులారా, మనవంతుగా సువార్త సంస్కృతిని స్థాపించడానికి పిరికితనంగాఉంటే అపవాది మన ఇళ్లలో లేదా ఇంకా ఘోరంగా, మన పిల్లల హృదయాలను ప్రభావితం చేయడానికి అనుమతించవచ్చు.

సువార్త సంస్కృతి మన కుటుంబంలో ప్రబలమైన సంస్కృతిగా చేయడానికి మనము ఎంపిక చేసినప్పుడు, అప్పుడు పరిశుద్ధాత్మ యొక్క శక్తివంతమైన ప్రభావము ⁹ ద్వారా, మన ప్రస్తుతపు పిల్లల పెంపకం రీతులు, సంప్రదాయాలు, మరియు ఆచరణలు వేరు చేయబడతాయి, సమలేఖనం చేయబడతాయి, శుద్ధి చేయబడతాయి, మరియు మెరుగుపరచబడతాయి.

గృహము “సువార్త శిక్షణ యొక్క కేంద్రముగా”¹⁰ ఉండవలెనని అధ్యక్షులు రస్సెల్ ఎమ్. నెల్సన్ బోధించారు. సువార్త అభ్యాసము మరియు బోధన యొక్క లక్ష్యమేదనగా “పరలోక తండ్రి మరియు యేసు క్రీస్తు పట్ల మన పరివర్తనను హెచ్చించడం మరియు వారి వలె ఎక్కువగా కావడానికి మనకు సహాయపడడమే.”¹¹ మన గృహాలలో ఉన్నతమైన సువార్త సంస్కృతిని స్థాపించడానికి మనకు సహాయపడగలుగునట్లు ప్రవక్తలు మరియు అపొస్తులుల చేత వివరించబడిన మూడు కీలకమైన పిల్లల పెంపకం బాధ్యతలను మనము పరిగణిద్దాం.

తల్లిదండ్రులుగా మన పరలోక తండ్రి యొక్క దైవిక ఉద్దేశములు, మోషేకు ఇవ్వబడిన బయల్పాటులో తెలియజేయబడినవి: “ఏలయనగా నరునికి అమర్త్యత్వమును, నిత్యజీవమును ఇచ్చుటయే నా కార్యమును మహిమయైయున్నది.”²¹ అధ్యక్షులు నెల్సన్ చేర్చారు, “నిత్యత్వములో గొప్ప ఆశీర్వాదాలను మీరు కోల్పోకుండా సహాయం చేయడానికి, మీ కర్తృత్వమును ఉల్లంఘించకుండా దేవుడు తాను చేయగలిగినదంతా చేస్తారు.”²²

తల్లిదండ్రులుగా, మనము మన పిల్లల సంరక్షణలో దేవునికి ప్రతినిధులుగా ఉన్నాము. ²³ మన పిల్లలు ఆయన దైవిక ప్రభావాన్ని అనుభవించే వాతావరణము సృష్టించడానికి మనం చేయగలిగినదంతా చేయాలి.

తల్లిదండ్రులుగా మనం ప్రక్కన కూర్చొని మన పిల్లల ఆత్మీయ జీవితాలను గమనించాలని పరలోకపు తండ్రి ఎన్నడూ ఉద్దేశించలేదు. ఒక వ్యక్తిగత అనుభవంతో ఉద్దేశ్యపూర్వకమైన తల్లి దండ్రులుగా ఉండే ఆలోచనను నేను మీకు వివరిస్తాను. గౌటమాలాలో ఒక చిన్న బ్రాంచిలో ప్రాధమికకు నేను హాజరైనప్పుడు, నా తల్లిదండ్రులు గోత్రజనకుని దీవెనల విలువ గురించి నాకు బోధించసాగారు. మా అమ్మ తనకు విలువైన గోత్రజనకుని దీవెనను పొందే అనుభవాన్ని పంచుకోవడానికి సమయాన్ని తీసుకొన్నది. గోత్రజనకుని దీవెనకు సంబంధించిన సిద్ధాంతమును ఆమె నాకు బోధించింది, మరియు ఆమె వాగ్దానము చేయబడిన దీవెనలను గూర్చి సాక్ష్యమిచ్చింది. ఆమె ఉద్దేశ్యపూరితమైన పిల్లల పెంపకం నా గోత్రజనకుని దీవెన పొందాలనే కోరికను కలిగియుండటానికి నన్ను ప్రేరేపించింది.

నాకు 12 ఏళ్ళప్పుడు, నా తల్లిదండ్రులు ఒక గోత్రజనకుని అన్వేషించడానికి నాకు సహాయపడ్డారు. మేము నివసించిన జిల్లాలో ఏ గోత్రజనకుడు అక్కడ లేరు కనుక అది అవసరమైనది. 156 కిలోమీటర్ల (97 మైళ్ళ) దూరంలోని స్టేకులో ఉన్న గోత్రజనకుని వద్దకు నేను ప్రయాణించాను. నన్ను దీవించడానికి గోత్రజనకుడు నా తలపై తన చేతులుంచినప్పుడు నాకు స్పష్టంగా జ్ఞాపకమున్నది. నా పరలోక తండ్రి నన్ను ఎరుగునని, సందేహము లేకుండా, శక్తివంతమైన ఆత్మీయ నిర్ధారణ ద్వారా నేనెరుగుదును.

ఒక చిన్న నగరము నుండి 12 సంవత్సరాల బాలునిగా నాకు అది తెలుసుకోవడం చాలా ముఖ్యమైనది, ప్రభావవంతమైనది. మా అమ్మ, నాన్న యొక్క ఉద్దేశ్యపూరితమైన పిల్లల పెంపకం వలన నా హృదయం నా పరలోక తండ్రివైపు తిరిగింది, మరియు నేను వారికి శాశ్వతంగా కృతజ్ఞత కలిగియుంటాను.

మాజీ ప్రాధమిక ప్రధాన అధ్యక్షురాలైన సహోదరి జాయ్ డి. జోన్స్ ఇలా బోధించారు: “మన పిల్లల్లో పరివర్తన దానంతటదే వచ్చేవరకు మనం వేచియుండలేము. ఆకస్మిక పరివర్తన అనేది యేసు క్రీస్తు సువార్త యొక్క నియమము కాదు.”²⁴ మన ప్రేమ మరియు ప్రేరేపించబడిన ఆహ్వానాలు మన పిల్లలు వారి కర్తృత్వమును ఎలా ఉపయోగించాలో వ్యత్యాసాన్ని కలిగి ఉంటాయి. అధ్యక్షులు నెల్సన్ నొక్కి చెప్పారు, “నీతిగల, ఉద్దేశ్యపూరితమైన పిల్లల పెంపకమును ఏ ఇతర పని అధిగమించదు!”²⁵

తల్లిదండ్రులారా, ఈ ప్రపంచం మన పిల్లల ఆసక్తి కోసం కోసం పోటీపడే తత్వాలు, సంస్కృతులు మరియు ఆలోచనలతో నిండి ఉన్నది. గొప్ప మరియు విశాలమైన భవనము ప్రతిరోజు చాలా ప్రస్తుతపు మీడియా చానళ్ళను ఉపయోగిస్తూ దాని సభ్యత్వమును ప్రచారంం చేస్తుంది. “కానీ ఆయన కుమారుని యొక్క బహుమానమందు,“దేవుడు ఒక అధిక శ్రేష్ఠమైన మార్గమును సిద్ధపరచియున్నారు”²⁶ అని ప్రవక్త మొరోనై బోధించాడు.

నిబంధనలు ద్వారా దేవునితో భాగస్వాములుగా ఉండి మరియు మన పిల్లల సంరక్షణలో ఆయన ప్రతినిధులుగా మారినప్పుడు, ఆయన మన ఉద్దేశాలను పరిశుద్ధపరుస్తారు, మన బోధనలను ప్రేరేపిస్తారు, మరియు “మన పిల్లలు వారి యొక్క పాపముల యొక్క నివృత్తి కొరకు వారు ఏ మూలాధారమును చూడవలెనో మన సంతానము తెలుసుకొనునట్లు”²⁷ మన ఆహ్వానాలను పదును పెడతారు. యేసు క్రీస్తు నామములో, ఆమేన్.