Parau faataaraa a te aupŭpŭ hi‘opo‘a faufaa a te Ekalesia, 2004

E te mau taea‘e here e: E mea taa ê te aupŭpŭ hi‘opo‘a i te mau faufaa a te Ekalesia i te tahi atu mau pŭpŭ e te mau faanahoraa e ua horo‘ahia te parau faati‘a no te hi‘opo‘a i te mau parau faataaraa atoa e te mau faanahoraa no te haapapû e, ua nahonaho maitai te mau ohipa i roto i te fariiraa e te haamau‘araa i te mau faufaa e a te Ekalesia e te parururaa i te reira mau faufaa. I roto i teie aupŭpŭ, te vai nei te feia aravihi roa e parau tuite ta ratou no te mau ohipa hi‘opo‘a faufaa moni, te feia hi‘opo‘a faufaa i haamanahia, te feia hi‘opo‘a i te mau faanahoraa, e te tahi atu mau taata aravihi no te mau ohipa moni.

Ia au i te heheuraa i roto i te tuhaa 120 no te Buka Fafau, na te Apooraa haapa‘o i te mau tuhaa ahuru e haamana i te mau haamau‘araa a te Ekalesia. Teie te mau melo no taua apooraa ra, te Peresideni Matamua, te Pŭpŭ no te Tino Ahuru Ma Piti Aposetolo e te Episekoporaa Faatere Rahi. I muri mai i te fariiraa i te parau faati‘a no te haamau‘a i te faufaa a te Ekalesia, na te mau aupŭpŭ o te Ekalesia e faatere, e e haamau‘a i te mau faufaa ma te apee i te mau ture arata‘i a te Ekalesia.

I roto i te mau hi‘opo‘araa i ravehia, ua ite te aupŭpŭ hi‘opo‘a faufaa a te ekalesia e, i roto i te mau ohipa materia atoa, ua tano maitai ïa te faaohiparaa i te mau ô i fariihia, te mau haamau‘araa e te mau faufaa o te Ekalesia i roto i te matahiti 2004, e ua faaohipahia te reira ia au i te mau arata‘iraa no te pae moni, te mau faanahoraa i haamanahia, e te mau ture arata‘i a te Ekalesia.

Ma te faatura,

Aupŭpŭ hi‘opo‘a faufaa a te Ekalesia

Robert W. Cantwell

Upoo faatere