Karekean Raoraom
Te Mitinare ae tabe ni Borikaki—John Kay of Glenrothes, Fife, Scotland
Ni ingabongin Tianuare ae kamwaitoro, e kauka te mataroa Alison Kay ao e nooria uoman mitinare aika tei iaan te karau. E kaoia bwa a na rin. Imwiina e a kunea bwa ngaia a tia ni mwakuri ma te kamwaitorotoro e ngae ngke bon aia bong ni katauraoi. E waekoa ni bwabetitoaki ao ni kamatoaki bwa kaain te Ekaretia.
Ai tibwa aua ana ririki John ngke tinana ae, Alison, e kaaina te Ekaretia. Man te tai arei ao e a tangiria ni kan riki n aroia miitinare.
Kabwianibwai ao Kaiko Mwane
E moana kabwakaan ana kabwianibwai John ngke kabwaka ana kabwianibwai tinana. Ngke e ongo rongorongon Te Mwane ni Buoka Ibukia Aika Rootaki n te Kangaanga ao te Mwane n Reirei Nakitoki, e moana ana kabwaka mwane ibukia naba.
N te bongina ao a roko ni kawaria mitinare. John e tatangiria n titirakinia mitinare bwa a roko mai ia, aekakira aia utu, ao mwaitira aomata ake a reireinia ao a bwabetitoia. Ma n te bong aei e titirakinia bwa a kanga ni kabwaka boon aia mition. A kabwarabwara mitinare, bwa kaaro ao kaain te utu anga aia boutoka. “I tangiria bwa N na bon kabwaka boon au mition,” e taku John. Ai tibwa 10 ana ririki, ma e a bon tabe ni katauraoi ibukin ana mition n aanga aika bati.
Te Mwakuri Korakora
Irarikin maiuakinan te euangkerio ao kaikoan ana mwane, e bon ataia John bwa reiakinan te mwakuri korakora e na buokia n riki bwa te mitinare ae korakora. “E rangi ni bebete reiakinan John,” e taku tinana. E a tia n reireinna ni koroti n neiran aika uaai, ni katira, ni uati, ni kanimwa te bwatin, ni kouta utenten te onaroka, ni kaitiaka te ka, ao ni kuuka. Ana mwakuri ae tataneiai ni kakaraoia bon kaitiakan ana ru ao kabwakaan bareka n te mitin ni uaati.
Tera ae Tatangiria John?
-
Ana Buatoro ni Iriko Mum
-
Te Tuuto (Judo)
-
Te toka iaon te Aoti
-
Ana man te kini beeki (guinea pig), ae Saturn
-
Karakinan Taniera inanon te o n raian
-
Takakaro ma raoraou
-
Tamwatamwa ma Tamau
-
Korotamnei (te bwai ae mamate nanona iai n te reirei)
-
Te bitia (Pizza)
-
Tamwarakean te aroka ae bubura n ana onaroka mai buki, ike e nako ni iango iai
Kabutanakoan te Moangare
E taku John bwa e kataia ni karekea te mweenga ae kakukurei man taekinan taeka aika raoiroi ma ana utu, ai moarariki ma te mwaane ae ikawai, Phoebe. “Ti kataia ni kakauongo boni marenara,” E taku.
E taku tinan John, “Kanga bon tiaki aron John ae na aki kanimoimoi ke n anene inanon te auti.” E bon kakaitau ibukin anuan John ni mwannano ibukina bwa e rereke irouna te nanokaawaki ao te bwarannano. “E rangi ni bwaati John ni bwainaorakiai,” e taku neiei. “E bon rangi ni kakaonimaki ao ni kona ni mwiokoaki ao e on nanona n te tangira.”
E ingainga John nakon reken te Nakoanibonga ae te Merekitereka, tiaki ti ibukin ae na kona ni mwakuri ni mitinare ma bukina naba bwa e na kona n anga te kakabwaia nakoia ana utu. Ma ngkai, e tataro ibukina ao e kakukureia n anuana aika kakukurei.