E Aera Ngke I Uti n te Aoa 3.00 n te Karangaina?

I taku n te moan tai bwa buu, Eva, e ioioai. Ma ngke I rairaki, I nooria bwa e bon matu. I tekateka, ao I namakina ae I riai n nakon te katangaina. I ruo man au kainiwene ao I nakon te tabo n nakonako. I tuoia natira n aia ruu, I nooria bwa a matu nako.

N te katangaina, I namakina te kabuebue man te titobu are kanaaki n te kooro, ao are tuai bane kanaana te kooro n te tairiki arei. Mwiin te ang n rin nakon te titobu e bon nakoraoi, ao te tabo ni kauraura e bon tara n nakoraoi mwakurina. A bon tiku n aroia are a tataneiai iai. Ara kamea naba e tabe ni matu, ao e aki namakina menau ikekei. I tinaniku, I noori taian nuu aika aki kakamwakuri iaon te tinoo i tinanikun te auti.

Ngke I a manga tara riki nanon te ruu, I bon miimi. Te namakin are irou e bon koaua. Ma e aera ngkai I tabe n tei n ti ngai n te katangaina n te aoa 3.00 n te karangaina? I tiku riki tabeua te miniti ao I mwina I a baireia bwa N nang okira au kainiwene.

Ngke I a moana okiu nakon te ruu, I ongo tangin te biti ae tii mai akuu. Ngke I kawaekoa n tanrikaaki ao I noora te bubu ao mwakaron te ai aika kibakiba. E mwaoto te neera are taua bwaibin te titobu, ao mwakoron te bwaibu e a ruo rikaaki nakon mwakorona are teuana, are e a karekea te bwangabwanga n te bwaibu.

I wetea Eva bwa e na buokai. I kawaekoaai ni karina nangoan baiu aika karaoaki n te kau are I kawakini irarikin te titobu ao I koona toman bwaibun te titoobu ni katomai. I mwiin katomaan te bwaibu, I a kawara Eva ni kaitiaka te bubu man te katangaina. Imwiina ti a karauira n taratara te uruaki.

E uarereke mwakoron te kabete (carpet) ae bue. Ngke arona bwa I aki mena ikekei ngke mwakoroua neeran te bwaibu, e na bon uaekoa n urarake te katangaina. E a tia n totokoaki uruakin mweengara ao tao buan maiura naba—te karabwarabwa nakon te namakin ae tamaroa ae aki kona ni bua mairoun te Tamnei ae Raoiroi.

Ngke I okira au kainiwene, I bon kakaitau nakon Tamara are i Karawa ae tatangira, are rine iaon bwaai ni kabane, are kauringai ibukin te neera te biti ae uarereke are e uruaki n te tairiki n tain te kamwaitoro.