Kaain te Ekaretia aika Taan Korotamnei Aika Mwatai a Karekea Taraan Bwaai aika a Boretiaki man te Ekaretia ae a Kinaki n te Aonaaba
A rikirake mwaitia taani korotamnei ao taan rawe tamnei aika mwatai man te Aonaaba ae bwanin aika a kabonganaki bwa a na karekea taraan ana maekatiin ma bwaai riki tabeua ake a boretiaki n te Ekaretia ae a kinaki n te Aonaaba.
Te Curriculum Department n te Ekaretia e moan karaoa te kakao ibukiia taani korotamnei ao taan rawetamnei aika mwatai n te Riaona n Okitobwa 2005. Man te tai anne, mwaitiia aika tarena aika kaain te Ekaretia man aaba aika mwaiti e tabe n rikirake ao araia te koraki aikai a kawakinaki n te kaombiuta. Te bubuti ibukiia taani korotamnei man te aonaaba ibukin karaoan taian tamnei aika a na katerei rongorongon te aro, riki iaon karakin te Nu Tetemanti, ae karinaki naba inanon te kaombiuta.
“Te kantaninga i aan [karaoan ao kabonganaan] karinaia inanon te kaombiuta bwa e na karikirakea etin raoi aron te katei n te korotamnei ao ni kamataata raoi iai te Ekaretia nakon te aonaaba n ana bwai ni kabane ake e boretii,” e taku Tadd Peterson, te tia tararua n te mwakuri ao te tia kaira aron te katamaroa n te Graphics Division n te Curriculum Department. “Ti keiaki naba ni kaoti aia tarena n te korotamnei kaain te Ekaretia n te aonaaba ae bwanin.”
N reitaki ma te mwakuri ibukin te Nu Tetemanti, taani mwakuri n te Riaona a kanakoa te wewete ibukiia ake a kani ibuobuoki bwa a na karaoi ma ni karokoi tamnei ma taiani katooto aika a na kona ni kabonganaki ni bwaai ake a na boretiaki n ana bwai te Ekaretia bwa a na boutoka te boto ni iango ae kanoan 2007 ibukin te Nu Tetemanti. Taian korotamnei ake mairouia taan rabakau ni korotamnei man aaba aika Argentina, Brazil, Colombia, Finland, Germany, Peru ao South Africa.
N te tai aei, 200 tabun taan rawetamnei, taani korotamnei ao taani bairea aron te mwakuri aei man aba aika 31 aika a tia ni karinaki n te kaombiuta.
Taan anganano ibukin taian rawetamnei a tia ni karekei tamnei ibukin ana maekatiin te Ekaretia, ao ibukin naba tabeua bwai aika boretiaki aika a kaineti nakoia mitinare aika a na raona Tataekina Au Euangkerio, te boki n reirei ae kabonganaki ni kabuta te aonaaba.
E taku Tari Peterson, kabonganan te korotamnei man aban nako te aonaaba e karika te reitaki imarenaia kaain te Ekaretia ni katobibia te aonaaba. A mwaiti aanga ao katei ni korotamnei ake a konaa ni kamataatai taekan bwaai n te korotamnei, riki bon iai te karinerine ae katiteuanaki ao te tangira ibukin reiakinan te euangkerio n ai aron naba karinean baika a tabu.
E taku te Tari Peterson, “Taiani korotamnei aikai a rangi ni manena nakoia kaain te Ekaretia bwa a boni kaota raoi tabwaninin te Ekaretia n te aonaaba.”
Kawain te mwakuri ae rangi n raoiroi ibukin karinan are ko tangiria bwa e na karinaki n te kaombiuta boni kanakoan am rongorongo ma katooton am korotamnei ke am rawetamnei bwa e na rinanoaki n te e-mail nakon cur-artist-photographer@ldschurch.org. A kona naba ni kanakoaki katooton korotamnei ke rawetamnei, rongorongon am tabo ae ko na reke iai, ao rongorongon te mwakuri ae kimototo, (taiaoka n aki kanakoa are bon te oi) n te meri nakon:
Artists and Photographers Database
50 E. North Temple St., Rm. 2474
Salt Lake City, UT 84150-3220, USA
Mwakuri n anganano aika karaoaki a boboto iaon te tabo, te taneiai, aron tein te bwai, ma bwaai ni ibuobuoki ake a tauraoi iroun te tia korotamnei ke te tia rawetamnei.