Ana Katauraoi te Ekaretia nakon Angibuaka Dean

N ana kauoua n oki Angibuaka Dean nako Mexico, n te tai aei ma korakorana ae kerikaki nakon te karinan ae 2, mataniwiin te Ekaretia n te tabo anne ni ikotaki ma taani mwakuri i Jamaica a bootaki ni mwakuri n reita te babaire ibukin kakaean te kabane n tamaroa ibukin buokaia kaain te aba bwa a na marurung man ana urubwai Dean are e katikua ngkai bon te angibuaka ae oro nakon korakorana ae 5.

Dean e uota te ang ae korakoran angibuakana nakon angiin aon Jamaica n te Taabati, n Aokati 19, 2007, ma te ang ae biri n te 145-te maire n te aua (233-kiromita-n-te aua) e biri ni kaania boton te angibuaka ni mwaing nako maiakin te aba. Kaain te Ekaretia ao mitinare a ribootinaki bwa a mauri, e ngae ngke a mwaiti Mweengaia kaain te Ekaretia aika a uruaki taubukiia ao bwaina riki tabeua.

E bakatekea mataniwiin te aba ae Mexico n te Caribbean Dean n Aokati 21. Boton te angibuaka e riaon te tabo ae aki rangi ni maekanaki n te Yucatan Peninsula, 40 te maire (64 km) i mainiku-maeaon Chetumal, Mexico. E manga kakorakora riki Dean ngke e biri rinanon te Bay ae Campeche, ao e orea nukan mataniwiin te aba ae Mexico 100 te maire (160 km) i meangin Veracruz, Mexico.

Kaain te Ekaretia ma mitinare a ribotinaki bwa a mauri. Mataniwiin te Ekaretia a tia ni bairea te auti ae tan ma te amwarake ao te ran ae tau ibukiia mitinare, ao taani mwakuri n ana auti ni bwai te bitiobi i Mexico a tauraoi ni kanakoi bwaai aika a kainnanoaki ibukin tararuan mauria aomata ngkana a kainnanoaki.