Te Boki inanon Taetae aika Mwaiti

Ibukin Clara Leticia Cruz Cano ae kaain Puerto Rico, ana tangira ibukin Ana Boki Moomon e moanaki man ngke aua ana ririki neiei. Ngke e ataia neiei bwa mwaanena are e ikawai riki e na reke naba ana tai ni wareware n tain aia kamatebwai ni booki aika tabu n te tairiki, ao ngaia e tangiria naba bwa e na reke naba ana tai. Neiei e bubutia ana karo bwa a na buokia, ao e aki maan ao neiei e a ira te waaki ni wareware.

Ngke 12 ana ririki, Clara e a manga karaoa te waaki ae boou. N onea mwiin warewarena n oin ana taetae n Spain, e nang wareka Ana Boki Moomon n te taetae n English. Ngke 14 ana ririki, e warekia n te taetae ni France; ngke 15 ana ririki, n te taetae ni Portugal; ao ngke 16 ana ririki, n te taetae ni Italy.

Inanon Aokati 2005, ngke e tuangia Aomata aika Itiaki Beretitenti Gordon B. Hinckley ni wareka ke ni manga wareka Ana Boki Moomon, ao Clara e a kaman warekia n te taetae n Germany.

E taku neiei “e bon rangi ni matoatoa aio, ma N na bon kabanea naba”.

Ana wareware neiei inanon taetae aika kakaokoro e bon karababa ana ataibwai n atai nanon taeka. “Ngkana I kaitibo ma te taeka ae I aki ataa nanona, I kakaea nanona. E a roko ae I kua ni kakaea nanona, ngaia are I kamatenanoia,” e kamataata neiei. Ana kamatebwai n aekaki n taetae e a tia ni buoka neiei inanon ana mwakuri n te reirei. N te ririki ae nako, ngke 17, e a riki Clara bwa te moan n tia reirei n anga beebwa ae rianako ana bwii iaon abana.

E a tia Clara ni kaoti tabeua bwaai aika moan te kakaawaki inanon ana tai ni kamatebwaia aekaki n taetae aika mwaiti. E bon kunea naba neiei bwa kauouan arana ae, Leticia, nanona “kukurei” inanon te raitaeka n te taetae ni Italy (tara 2 Nibwaai 1:21; 8:3).

N aroia naba tabeman, Clara iai naba Ana Boki Moomon irouna n aekaki n taetae aika a kakaokoro. Ma, e taku neiei, “I a tia ni baireia bwa N aki karekea au boki ae Ana Boki Moomon ae I aki kona ni warekia.”

Are nanona bwa katabeana are imwiina e a kaman toka iaon nnen ana boki. Ana bitiobi neiei, Hector Alvarez, e noora neiei ni mamatakuakini katooton Ana Boki Moomon inanon ana auti ao e angan neiei te boki. Ngkai neiei e a reke oin-katabeana n reiakina tiaki ti te taetae ae boou ma bon manin naba taetae aika boou. Te boki e koreaki n te taetae n Russia.