Ikotakin Booki aika Tabu ake Teniua n te Koroboki n Tiaina

Te Moani Beretitentii e a tia ni katanoata tian te raitaeka ibukin Ikotakin Bootakin Booki aika Tabu ake teniua n te taetae n Tiaina (ni manin koroboki aika taneiai iai) n te reta nakoia taan kairiiri n te nakoanibonga ae bonginaki n Aokati 15, 2007.

“Ti kaungaia kaain te Ekaretia bwa a na karekei aia boki ibukin booki aika tabu man kabonganai n tainanko ibukiia ao ibukin aia kamatebwai n aia utu ao ni bootakin te Ekaretia ao n aia mwakuri,” e taku te Moani Beretitentii. “Ngkana kaain te Ekaretia a tataro bwa a na oota ao a reirei man te boki ae tabu, e na rikirake aia koaua, aia ataibwai e na mwaiti, tangiran aia utu ma utu riki tabeua e na rababa nako, aia kona ni buokia raoia e na korakora ao a na karekea te korakora riki ni kaitara te kariri ao n tei ibukin te koaua ma te eti.”

Bootakin booki aika tabu n te taetae n Tiaina ae e a tia kanoana iai inanona ana Boki Moomon, Doctrine and Covenants, te Pearl of Great Price ao buokan te kamatebwai ae aranaki bwa te Boki ni Kairi ibukin Booki aika Tabu. A tauraoi ngkai inanon ana tienta ibukin tibwatibwan ana bwai te Ekaretia n taabo nako.