A Ibuobuoki kaain te Ekaretia n ana Kaitiaki Amerika imwiin te Ieka

A ibuobuoki kaain te Ekaretia n tibwatibwa te amwarake, te ran, bwaai ni kaitiaki, ao bwaai n aoraki man taiani kaa aika bubura ae raka iaon 16 mwaitiia nakoia ake a rootaki n te ieka ae korakora n taabo i nukan Amerika. E raka iaon 600 kaain te Ekaretia aika a ibuobuoki ni kaitiaki n taabo aikai.

Imwin bwakan te karau ae korakora inanon te wiki anne, te ranga n ran e tiringiia 18 aomata, e kairoroia irabubua bwa a na kitani mweengaia ao e urui ngaa taiani mweenga. E raka iaon te mirion te aomata ae aki roko te iti irouia. Kaain te Ekaretia ni kabane ni ikotaki ma mitinare a ribootinaki bwa a mauri, ma a mwaiti naba mweengaia kaain te Ekaretia aika a uruaki ni ikotaki ma teniua ana kateitei te Ekaretia aika a uarereke uruakiia.