Kaota am iango

E ngae ngkana I aki kaea te taromauri, I bon tangiria ni kabwaka boon te Riaona. N te bong teuana ao I kauka te Web site ao I bubuti ibukin au katooto, ao temanna te aine e waekoa ni kanakoa teuana nakoiu. I bon rangi ni kukurei ngke e reke au katooto ibukiia aika tibwa kaaina te Ekaretia (Okitobwa 2006). I rootaki iai ao e a manga kakoaua bwa e bon koaua te euangkerio aio. Rinanon te Riaona, ao I namakina ae I a kaan riki nakon te Atua.

Marcio Honirio Peres, Brazil

I bon rangi ni kukurei ngkana I wareka te Riaona. I kabongana te maekatin ibukin taian reirei n te Bootaki n Aine ao ni bootakin te utu n te tairiki. I ibuobuoka au Riaona ma raraou ae tiaki kaain ara aro. I rangi ni kan wawarekia ibukina bwa I atai riki rongorongon te Ekaretia ao bwaai aika riki n te Ekaretia. Kam rabwa ibukin katauraoan botoniango ao reirei aika tamaroa bwa ti aonga ni kamwarakei ara onimaki n Ana euangkerio ae koaua Tamara are i Karawa.

Maasoama Bernard, USA

Te Riaona bon titebo ma raom ae kakaonimaki. I warekia ni katoa bong—n te aobiti n tain te motirawa, n te mweenga, ao n taai nako are e kona n reke. Aia reirei Mataniwi ni Kabuta ao karaki aika kakaokoro aika riki ni maiuia tabeman a buokai ni kanakoraoa maiu. I kakaitau ibukin karaki aikai ni kabane. Te Riaona e a tia ni karikirakea au koaua ibukin Iesu Kristo. Bon te bwai ni kairi ni katoa bong.

Wilfred Kenneth F. Wokekoro, Nigeria

I nakon au ruu ao I namakina ae I rangi ni kua ao I kainnanoa te motirawa imwiin te reirei. I wareka te Riaona. I kukurei ngkana I warekia. Rongorongo ni kabane a bon kairaki iroun te tamnei ao e kauringai bwaai ni kabane are e reireinira Iesu Kristo. I ataia ma nanou ni koaua bwa bwaai aikai a bon koaua.

Judie Ann Diamada Boligor, Philippines

E boretiaki n te Riaona te rongorongo iaon ana Mwakuri ni Kamaiu Kristo ao tera bonganana ni maiuia aomata, ao I a ataia bwa au bure a nako ao I a kona ni waaki nako ni moana au waaki. Ngkai I a beretitenti n aia Bootaki Ataeinaine, ao I kukurei ni mwakuri ma ataeinaine. I rangi ni kukurei ao au kaantaninga bwa N na kona ni buokia aomata aika tuai ni bwabetitoaki bwa a na ataia ae aio te Ekaretia ae koaua.

Viarda Martínez, Dominican Republic

Te Riaona bon aan te mwakuri ni mitinare ae aki kona ni kaakeaki. I tia ni kabonganai rongorongo man te Riaona ni buokia taan kakae aika mwaitii ni katauraoia ibukin te bwabetito ao te kamatoaki.

Petra Longerich, Germany