គ្រប់គ្រឿងសឹករបស់ព្រះ
ខគម្ពីរបង្រៀនថា យើងគួរតែពាក់ « គ្រប់គ្រឿងសឹក » របស់ព្រះ ( សូមមើល អេភេសូរ ៦:១១–១៨ និង គ. និង ស. ២៧:១៥–១៨ ) ។ នៅពេលយើងសិក្សាព្រះគម្ពីរហើយអធិស្ឋាន គឺដូចជាយើងពាក់គ្រឿងសឹក ដែលជួយយើងឲ្យមានសុវត្ថិភាព ។
តើអ្នកអាចធ្វើអ្វីខ្លះជារៀងរាល់ថ្ងៃដើម្បីរក្សាវិញ្ញាណរបស់អ្នកឲ្យមានសុវត្ថិភាព និង រីករាយ ?
មួកនៃសេចក្តីសង្គ្រោះ
មួកសុវត្ថិភាពការពារក្បាល ។ យើងរក្សាគំនិតខ្លួនឲ្យមានសុវត្ថិភាព នៅពេលយើងធ្វើតាមព្រះយេស៊ូវ ហើយធ្វើអ្វីដែលទ្រង់ចង់ឲ្យពួកយើងធ្វើ ។
ខែលនៃសេចក្ដីជំនឿ
សេចក្ដីជំនឿលើព្រះយេស៊ូវគ្រីស្ទគឺដូចជាខែលការពារ ។ នៅពេលយើងជឿលើព្រះយេស៊ូវ ហើយព្យាយាមឲ្យប្រែក្លាយដូចទ្រង់ នោះយើងអាចជ្រើសរើសធ្វើល្អ ទោះបីជាមានរឿងលំបាកក៏ដោយ ។
ក្រវ៉ាត់នៃសេចក្តីពិត
ក្រវ៉ាត់គឺជាខ្សែក្រវ៉ាត់ដែលជួយការពាររូបកាយរបស់ទាហាន ។ ការស្គាល់សេចក្តីពិតនឹងការពារពួកយើង ។ ដំណឹងល្អគឺពិត ហើយការរស់នៅតាមដំណឹងល្អធ្វើឲ្យយើងរឹងមាំ ។
ប្រដាប់បាំងទ្រូងនៃសេចក្តីសុចរិត
ប្រដាប់បាំងទ្រូងការពារបេះដូង ។ ពេលយើងស្រឡាញ់ព្រះអស់ពីដួងចិត្តរបស់យើង នោះយើងព្យាយាមគោរពបទបញ្ញត្តិរបស់ទ្រង់ ។ យើងទទួលពរ នៅពេលយើងជ្រើសរើសត្រឹមត្រូវ ។
ស្បែកជើងនៃការរៀបចំនៃភាពសុខសាន្ត
ស្បែកជើងការពារជើង ។ យើងព្យាយាមធ្វើតាមស្នាមព្រះបាទព្រះយេស៊ូវគ្រីស្ទ ប្រយោជន៍ឲ្យយើងអាចរស់នៅជាមួយទ្រង់នៅថ្ងៃខាងមុខ ។
ដាវនៃព្រះវិញ្ញាណ
ដាវជួយវាយប្រឆាំងនឹងសេចក្តីខុសឆ្គង ។ ព្រះវិញ្ញាណជួយយើងនៅពេលយើងជួបរឿងអាក្រក់ ឬ លំបាក ។ ស្តាប់តាមព្រះវិញ្ញាណជួយយើងឲ្យមានសុវត្ថិភាព ។