ලෝකය ලබාදෙන ආකාරයට නොවේ
දීප්තිමත් දිනයක් නිර්මාණය කිරීමට සහ අව්‍යාජ යහපත්කමේ ආර්ථිකයක් වර්ධනය කිරීමට අපට අවශ්‍ය උපකරණ යේසුස් ක්‍රිස්තුස්වහන්සේගේ ශුභාරංචිය තුළින් බහුල ලෙස සපයනු ලැබෙනවා.
එම පළමු පාස්කුවට පෙර, යේසුස්වහන්සේ දොළොස්දෙනාට දුන් නව සක්‍රමේන්තු නියෝගය අවසන් කිරීමට පෙර, උන්වහන්සේගේ මහිමාන්විත සමුගැනීමේ දේශනය ආරම්භ කර ගෙත්සෙමන, පාවාදීම සහ කුරුසපත් කිරීම කරා ගමන් කළා. කෙසේවෙතත්, එම කණස්සල්ල සහ එම මනුෂ්‍යයින්ගෙන් සමහරක් අය ප්‍රදර්ශනය කළ සම්පූර්ණ බිය නිසා උන්වහන්සේ ඔවුන්ට (සහ අපට) මෙසේ පැවසුවා:
“නුඹලාගේ සිත් නොකැලඹේවා: “දෙවියන්වහන්සේ කෙරේ විශ්වාස කරපල්ලා; මා කෙරේත් විශ්වාස කරපල්ලා. …
“නුඹලා අනාථව නාරින්නෙමි: මම නුඹලා වෙතට එමි. …
නුඹලා වෙත සමාදානය තබා යමි; මාගේ සමාදානය නුඹලාට දෙමි. මා දෙන්නේ ලෝකයා දෙන්නාක් මෙන් නොවේ. නුඹලාගේ සිත් කැලඹෙන්ටවත් භයවෙන්ටවත් නොදෙල්ලා.”1
ඇදහිලිවන්තයන්ටද ඇතුළුව, මේ ලෞකික ලෝකයේ අභියෝගාත්මක කාලයන් පැමිණේ, නමුත් ක්‍රිස්තුස්වහන්සේගේ සැනසිලිදායක පණිවිඩය නම්, පාස්කුවට සම්බන්ධ බැටළු පැටවා වන උන්වහන්සේ “බැටළුවෙක් [උගේ] ලෝම කපන්නන් ඉදිරියෙහි නිශ්ශබ්දව සිටින්නාක්”2 මෙන් ගොස්, ඉන්පසු නැවත නැගිට ගීතිකාකරු කියන ලෙස “අපගේ සරණ හා ශක්තිය මෙන්ම, දුකේදී [අවස්ථා වලදී] ඉතා ලංවූ [අපගේ] පිහිටක්” වෙයි.3
ක්‍රිස්තුස්වහන්සේ කුරුසිය දෙසට ගමන් කරන විටත්, උන්වහන්සේගේ ගෝලයන් කාලයාගේ ඇවෑමෙන් උන්වහන්සේගේ ශුභාරංචිය ලොවට ගෙනයන විටත්, ක්‍රිස්තුස්වහන්සේ සඳහා ඉදිරියේ තිබූ දුෂ්කර පැය තේරුම්ගැනීම සඳහා, පසු දවස්වල ගැලවුම්කරුවාණන්ගේ සභාවේ සාමාජිකයින්ට සම්බන්ධ පණිවිඩයකට මා සමග එන්න. එය මොර්මොන්ගේ පොතේ අතිවිශාල වාක්‍ය ගණනක, ලාමන් සහ ලාමුවෙල්ගේ සදාකාලික කරදරකාරී හැසිරීමේ සිට සිය දහස් ගණනක් සොල්දාදුවන් සම්බන්ධ වන අවසාන සටන් දක්වා, එක් ආකාරයක හෝ වෙනත් ගැටුමකට කැපවී තිබෙනවා. මෙම අවධාරණයට පැහැදිලි හේතුවක් නම්, පසු කාලීන ප්‍රේක්ෂකයින් සඳහා මොර්මොන්ගේ පොත ලියා ඇති පරිදි, මෙම කතුවරුන් (ඔවුන් විසින්ම බොහෝ යුද්ධයන් අත්විඳ ඇති අය) අනාවැකිමය ලෙස අපට අනතුරු අඟවන්නේ ප්‍රචණ්ඩත්වය සහ ගැටුම් අවසන් දවස් වල සබඳතා වල විශේෂ ලක්ෂණයක් වන බවයි.
ඇත්තවශයෙන්ම, පසු-දවස් වල වාද විවාද පිළිබඳ මගේ න්‍යාය අලුත් එකක් නොවේ. මීට වසර දෙදහසකට පමණ පෙර, අවසාන කාලයේදී “යුද්ධ හා යුද්ධ පිළිබඳ කටකතා”4 ඇතිවන බවට ගැලවුම්කරුවාණන් අනතුරු ඇඟවූවා, පසුව උන්වහන්සේ මෙහෙම කිව්වා “එවිට පොළොව වෙතින් සාමය ගනු ලබන්නේය.”5 ඇත්තෙන්ම මෙම, සාමයේ කුමාරයා, වාද විවාද යක්ෂයාගේ බව තදින් ඉගැන්වූ උන්වහන්සේ,6 “සෙනෙහසින් තොරව” සිටින, ශුද්ධලියවිලි පවසන පරිදි, එමෙන්ම ප්‍රේමයෙන් එකට ජීවත්වන්නේ කෙසේදැයි සිතාගත නොහැකි අපේ දවසේ මිනිස් පවුල තුළ සිටින අය ගැන උන්වහන්සේගේ දිව්‍ය පියාණන්වහන්සේ සමඟ හඬා වැලපෙනවා ඇති.7
සහෝදර සහෝදරියනි, අප වටා ඕනෑවට වඩා ගැටුම්, කෝපය සහ සාමාන්‍ය නොගැලපීම් දක්නට ලැබෙනවා. වාසනාවකට මෙන්, සටන් කිරීමට තුන්වන ලෝක යුද්ධයක් හෝ 1929 දී මහා විශාදයකට තුඩුදුන් ලෝක ආර්ථික අවපාතයක් වර්තමාන පරම්පරාවට නෑ. කෙසේවෙතත්, අප මුහුණදී ඇත්තේ තුන්වන ලෝක යුද්ධයක් මෙන් දෙයකටයි, එය අපගේ සතුරන් විනාශ කිරීමේ සටනක් නොවේ, නමුත් දෙවියන්වහන්සේගේ දරුවන් එකිනෙකා ගැන වැඩි සැලකිල්ලක් දැක්වීමටත්, අප අවට ඇති ව්‍යාකූල වී ඇති ලෝකයේ තුවාල සුව කිරීමට සහය වීමටත් වූ බලහත්කාරයෙන් යෙදවීමක්. අප දැන් මුහුණදී ඇති මහා කණගාටුව අපගේ ඉතුරුම් වල භාහිර අහිමි වීම් වලට වඩා, අප වටා ඇති ඇදහිල්ල, සහ බලාපොරොත්තුව සහ පවිත්‍ර ප්‍රේමයේ සැබෑ ඌනතාවයන් සමඟ, අභ්‍යන්තරයෙන් අපගේ ආත්ම විශ්වාසය නැතිවීම සමඟ සම්බන්ධ වෙනවා. නමුත් දීප්තිමත් දිනයක් නිර්මාණය කිරීමට සහ සමාජයේ අව්‍යාජ යහපත්කමේ ආර්ථිකයක් වර්ධනය කිරීමට අපට අවශ්‍ය උපකරණ යේසුස් ක්‍රිස්තුස්වහන්සේගේ ශුභාරංචිය තුළින් බහුල ලෙස සපයනු ලැබෙනවා. මෙම ශුභාරංචි සංකල්ප සහ ශක්තිමත් කරන ගිවිසුම් සම්පූර්ණ ලෙස පුද්ගලිකව සහ පොදුවේ භාවිතයට ගැනීමට අපොහොසත් වීම—අපට දරන්නට බෑ—එමෙන්ම මෙම ලෝකයට දරන්නට බෑ.
ඉතින්, යෙහෝවා පැවසූ පරිදි “කුණාටුවෙන් පහර දී සැනසීමක් නොලබන” ලෝකයක, උන්වහන්සේ “සාමයේ ගිවිසුම” ලෙස හැඳින්වූ දෙය අප සොයාගන්නේ කෙසේද? අපට එය සොයාගත හැක්කේ අපට “සදාකාලික කරුණාවෙන්”යුතුව අපට අනුකම්පා කර අපගේ දරුවන්ට සාමය ලබාදෙන බව පැවසූ තැනැන්වහන්සේ වෙත හැරීමෙනුයි.8 සාමාන්‍යයෙන් පොළොවෙන් සාමය ඉවතට ගන්නා බව ප්‍රකාශ කරන භයානක අනාවැකි සහ නොසන්සුන් ශුද්ධලියවිලි පද තිබියදීත්, අපේම ආදරණීය රසල් එම්. නෙල්සන් ද ඇතුලුව, අනාගතවක්තෘවරුන්, උගන්වා ඇත්තේ එය අපෙන් තනි තනිව ගත යුතු බව එයින් අදහස් නොකරන බවයි!9 ඉතින්, මෙම පාස්කු සමයේ පුද්ගලික ආකාරයකට, අප වෙනුවෙන්ම සහ අපගේ පවුල් වෙනුවෙන් සහ අපට ලඟාවිය හැකි අප වටා සිටින අය මත ස්වාමින් වන යේසුස් ක්‍රිස්තුස්වහන්සේගේ වන්දිගෙවීමේ ආලේපය සහ කරුණාව වන, සාමය පුහුණු කිරීමට අපි උත්සාහ කරමු. වාසනාවකට මෙන්, පුදුමයට කරුණක් වුවද, මෙම සැනසිලිදායක විසඳුම “මුදල් නොමැතිව සහ මිලකින් තොරව” අපට ලබා දී තිබෙනවා.10
එවැනි උපකාර සහ බලාපොරොත්තුව අතිශයින්ම අවශ්‍ය වන්නේ, මෙම ලෝක ව්‍යාප්ත සභාව තුළ අද වන විට—ශාරීරික හෝ චිත්තවේගීය, සමාජීය හෝ මූල්‍යමය හෝ වෙනත් ආකාරයේ දුසිම් ගණනක් අභියෝගයන් සමඟ පොරබදින බොහෝ දෙනෙක් සිටින බැවිනුයි. නමුත් මේවායින් බොහොමයක් අප තුළින් හා අපගෙන් ආමන්ත්‍රණය කිරීමට තරම් අප ශක්තිමත් නෑ, මොකද අපට අවශ්‍ය උපකාර හා සාමය “ලෝකය දෙන” ආකාරයේ දෙයක් නොවේ.11 නැත, මෙම සැබවින්ම අසීරු ප්‍රශ්න වලට අපට ශුද්ධලියවිලි වල සඳහන් වන “ස්වර්ගයේ බලයන්” අවශ්‍යයි, නමුත් මෙම බලයන් වෙත ප්‍රවේශ වීමට නම් අප එම ශුද්ධලියවිලි සඳහන් කරන “ධර්මිෂ්ඨකමේ මූලධර්ම” අනුව ජීවත් විය යුතුයි.12 දැන්, මූලධර්ම හා බලය අතර සම්බන්ධතාවය තේරුම්ගැනීම මිනිස් පවුලට කිසිවිටෙකත් ඉගෙනගත නොහැකි ලෙස පෙනෙන එක් පාඩමක් බව, ස්වර්ගයේ හා පොළොවේ දෙවියන්වහන්සේ පවසනවා!13
එමෙන්ම එම මූලධර්ම මොනවාද? හොඳයි, ඒවා අපගේ ශුද්ධලියවිලි වල නැවත නැවතත් ලැයිස්තුගත කර ඇති අතර, ඒවා නැවත නැවතත් මෙවැනි සම්මන්ත්‍රණ වලදී උගන්වනු ලැබ තිබෙන අතර, අපගේ කාල පරිච්ඡේදයේ, ජෝසෆ් ස්මිත් අනාගතවක්තෘවරයා ඒවා ඉගැන්වූයේ “මගේ දෙවියනේ, මගේ දෙවියනේ ඔබ මා අතහැරියේ මන්ද?” ලෙස ඔහුගේම ආකාරයකට ප්‍රතිචාර දකවමිනුයි.14 ලිබර්ටි බන්ධනාගාරය තුළ අනුකම්පා විරහිතව නොසැලකිලිමත් ලෙස, සිරගතව සිටියදී, ඉවසීම, බොහෝ ඉවසිලිවන්තකම, මෘදුකම සහ අවංක ආදරය යන දේවල් ධර්මිෂ්ඨකමේ මූලධර්ම වලට ඇතුළත් බව ඔහුට උගන්වනු ලැබුවා.15 එම මූලධර්ම නොතකා, අවසානයේදී අපට අසමගිය හා සතුරුකමට මුහුණදීමට සිදුවෙනවා.
මේ සම්බන්ධයෙන්, අපගේ කාලය තුළ මෙම ධර්මිෂ්ඨකමේ මූලධර්ම වලින් සමහරක් නොමැති වීම ගැන මම මොහොතකට කතා කරන්නම්. රීතියක් ලෙස, මම උද්යෝගිමත්, සතුටු සිතින් සිටින අයෙක් වන අතර, අපේ ලෝකයේ හොඳ හා ලස්සන බොහෝ දේ තිබෙනවා. ඇත්තෙන්ම ඉතිහාසයේ ඕනෑම පරම්පරාවකට වඩා අපට ද්‍රව්‍යමය ආශිර්වාද තිබෙනවා, නමුත් 21 වන සියවසේ සංස්කෘතිය තුළ පොදුවේ හා බොහෝ විට සභාවේ, අප තවමත් දකින්නේ කරදරයට පත්ව ඇති ජීවිත, සම්මුතීන් සමඟ බොහෝ ගිවිසුම් හා බිඳුණු හදවත් ඇති අයයි. චිත්‍රපටවල හෝ රූපවාහිනියේ සර්වප්‍රකාරයෙන් ලිංගික හිංසනයට සමාන්තර වන රළු භාෂාව සලකා බලන්න, නැතහොත් රැකියා ස්ථානයේ අප මේ දිනවල බොහෝ ලෙස කියවා ඇති ලිංගික හිරිහැර හා වෙනත් නුසුදුසුකම් සැලකිල්ලට ගන්න. ගිවිසුම් පාරිශුද්ධත්වය පිළිබඳ කාරණා වලදී, ශුද්ධ වූ බව බොහෝ විට පොදු වන අතර ශුද්ධකම බොහෝ විට අපවිත්‍ර කරනු ලැබෙනවා. “ලෝකය දෙන ආකාරයට” ඇවිදීමට හෝ කතා කිරීමට හෝ හැසිරීමට පෙළඹෙන ඕනෑම කෙනෙකුට, සාමකාමී අත්දැකීමක් ලැබෙනු ඇතැයි අපේක්ෂා කරන්න එපා; එය එසේ නොවන බව ස්වාමින්වහන්සේගේ නාමයෙන් මම ඔබට පොරොන්දු වෙනවා. පුරාණ අනාගතවක්තෘවරයෙක් වරක් පැවසුවේ “දුෂ්ටකම කිසිවිටෙකත් සතුටක් නොවීය,”16 ලෙසටයි. නර්තනය අවසන් වූ විට, නලාකරුට සෑමවිටම ගෙවිය යුතු අතර, එමෙන්ම බොහෝ විට එය කඳුළු සහ කණගාටුව සහිත මුදලක් වෙනවා.17
එසේත් නැතිනම් අපයෝජනය හෝ කෝපය වෙනත් ආකාර වලින් අපට පෙනෙනවා. ස්වාමින් වන යේසුස් ක්‍රිස්තුස්වහන්සේගේ ගෝලයන් වශයෙන් එවැනි හැසිරීමකට සහභාගි නොවීමට අප කෙතරම් දෙගුණයක් පරිස්සම් විය යුතුද. කිසිම අවස්ථාවක අප කිසියම් ආකාරයක අපයෝජනයකට හෝ අධර්මිෂ්ඨ ආධිපත්‍යයකට හෝ දුරාචාර බලහත්කාරයකට—ශාරීරික හෝ චිත්තවේගීය හෝ විනයානුගත හෝ වෙනත් ඕනෑම ආකාරයක වැරදිකරුවන් නොවිය යුතුය. මීට වසර කිහිපයකට පෙර සභාපති ගෝර්ඩන් බී. හින්ක්ලි සභාවේ මිනිසුන් සමඟ “තම නිවෙස්වල කෲර පාලකයන්” ලෙස හැඳින්වූ අය ගැන කතා කළ විට ඔහුගේ උනන්දුව මට මතකයි:18
“භාර්යාව අපයෝජනය කිරීම වැනි සංසිද්ධියක් කෙතරම් ඛේදජනක හා අතිශය පිළිකුල් සහගතද” ඔහු පැවසුවා. “මේ සභාවේ සිටින තම බිරිඳට අතවර කරන, ඇයට නිග්‍රහ කරන, ඇයට අපහාස කරන, ඇය කෙරෙහි අධර්මිෂ්ඨ ආධිපත්‍යය පතුරවන ඕනෑම පුරුෂයෙක් පූජකත්වය දැරීමට නුසුදුසුය. … දේවමාළිගා නිර්දේශයක් දැරීමට කිරීමට [ඔහු] නුසුදුසුය.”19 ඒ හා සමානවම නින්දිත දෙයක් වන්නේ, ඕනෑම වර්ගයක ළමා අපයෝජනයක්—හෝ වෙනත් ඕනෑම ආකාරයක අපයෝජනයක් බව ඔහු පැවසුවා.20
බොහෝ අවස්ථා වලදී, ස්වාමින්වහන්සේගේ දේවමාළිගාව තුළ ශුද්ධ වූ නියෝගයක් මගින් මුද්‍රා විය හැකි අයට, කරුණාවන්ත නොවී, විනාශකාරී ලෙස කතා කිරීම නිසා ඇදහිලිවන්ත පුරුෂයින්, ස්ත්‍රීන් හා දරුවන් පවා වැරදිකරුවන් විය හැකියි. ආදරය ලැබීමට, සාමකාමීව සිටීමට සහ නිවසේදී ආරක්ෂාව සොයාගැනීමට සෑම කෙනෙකුටම අයිතියක් තිබෙනවා. කරුණාකර, අපි එම පරිසරය එහි පවත්වා ගැනීමට උත්සාහ කරමු. සාමය ඇති කරන්නෙකු වීමේ පොරොන්දුව නම්, ඔබගේ නිරන්තර සහකාරත්වය සඳහා ඔබට ශුද්ධාත්මයාණන් ලැබෙනු ඇති අතර ආශිර්වාද “අනිවාර්ය ක්‍රමයකින් තොරව” සදහටම ඔබ වෙතට ගලා එයි.21 තියුණු දිවක් හෝ අකාරුණික වචන භාවිතා කරමින් කිසිවෙකුට “ප්‍රේමය මුදවා ගැනීමේ ගීතය ගායනා කරන්නට” හැකි වන්නේ නෑ.22
මම ආරම්භ කළ ස්ථානයෙන්ම අවසන් කරන්නම්. හෙට පාස්කු ඉරිදා, ගැටුම් හා මතභේද පසුකර යාම, බලාපොරොත්තු සුන්වීම පසුකර යාම, සහ වැරදි කිරීම සහ අවසානයේ මරණය සම්බන්ධයෙන් පසුකර යාම, “අපව පසුකර යන්නට” යේසුස් ක්‍රිස්තුස්වහන්සේගේ ශුභාරංචියේ ධර්මිෂ්ඨ මූලධර්ම සඳහා කාලයකුයි. අප වෙනුවෙන් ගැලවීමේ කාර්යය අවසන් කිරීමට අධිෂ්ඨානය මත, “අපේ දුක් [උසුලාගත්], අපේ ශෝකය දරාගත්,”23 දෙවියන්වහන්සේගේ බැටළුපැටවාණන්ට පූර්ණ පක්ෂපාතිත්වයෙන් ප්‍රතිඥා දීමට කාලය මෙයයි.
පාවාදීම හා වේදනාව තිබියදීත්, අයුතු ලෙස සැලකීම සහ කෲරත්වය, සහ මිනිස් පවුලේ සමුච්චිත පාප සහ වේදනාවන් දරාගනිමින්, ජීවමාන දෙවියන්වහන්සේගේ පුත්‍රයාණන් ලෞකිකත්වයේ දිගු මාවත දෙස බැලුවා, අපව මෙම සති අන්තයේදී දැක, මෙසේ පැවසුවා: “නුඹලා වෙත සමාදානය තබා යමි; මාගේ සමාදානය නුඹලාට දෙමි, මා දෙන්නේ ලෝකයා දෙන්නාක් මෙන් නොවේ. නුඹලාගේ සිත් කැලඹෙන්ටවත් භයවෙන්ටවත් නොදෙල්ලා.”24 ආශිර්වාද ලත්, ප්‍රීතිමත්, සාමකාමී පාස්කුවක් වේවා. මාගේ මුලු හදවතින්ම මම ප්‍රේම කරන සහ මම සාක්ෂි දරන, සාමයේ කුමරු විසින් එහි නොකියූ හැකියාවන් දැනටමත් ගෙවා තිබෙනවා, මේ උන්වහන්සේගේ සභාවයි, මම ඉතා පැහැදිලිව සාක්ෂි දරන්නේ උන්වහන්සේවයි, ඒ අපගේ ස්වාමින්වහන්සේ වන යේසුස් ක්‍රිස්තුස්වහන්සේයි, ආමෙන්.