Soutyen Otorite Jeneral yo, Swasanndis Entèrejyon yo, ak Ofisye Jeneral yo

Frè m ak sè m yo, jan sa te anonse, kounyeya mwen pral prezante nou Otorite Jeneral yo, Swasanndis Entèrejyon yo ak Ofisye Jeneral yo nan Legliz la pou vòt soutyen nou.

Tanpri eksprime vòt nou an nan fason abityèl la kèlkeswa kote nou ye. Si gen nan pami nou ki opoze a nenpòt nan pwopozisyon yo, n ap mande nou pou nou kontakte prezidan pieu nou.

Yo pwopoze pou nou soutni Russell Marion Nelson kòm pwofèt, vwayan, revelatè ak Prezidan Legliz Jezikri pou Sen Dènye Jou yo; Dallin Harris Oaks kòm Premye Konseye nan Premye Prezidans lan; ak Henry Bennion Eyring kòm Dezyèm Konseye nan Premye Prezidans lan.

Moun ki dakò yo ka manifeste sa.

Moun ki pa dakò, si genyen, ka manifeste sa.

Yo pwopoze pou nou soutni Dallin Harris Oaks kòm Prezidan Kolèj Douz Apot la ak Melvin Russell Ballard kòm Prezidan Sipleyan Kolèj Douz Apot yo.

Moun ki dakò, tanpri montre sa.

Nenpòt moun ki opoze ak sa kapab fè nou konnen.

Yo pwopoze pou nou soutni moun sa yo kòm manm Kolèj Douz Apot yo: M. Russell Ballard, Jeffrey R. Holland, Dieter F. Uchtdorf, David A. Bednar, Quentin L. Cook, D. Todd Christofferson, Neil L. Andersen, Ronald A. Rasband, Gary E. Stevenson, Dale G. Renlund, Gerrit W. Gong, ak Ulisses Soares.

Moun ki dakò, tanpri manifeste sa.

Si gen moun ki opoze, yo kapab endike sa.

Yo pwopoze pou nou soutni konseye yo nan Premye Prezidans lan ak Kolèj Douz Apot yo kòm pwofèt, vwayan, ak revelatè.

Tout moun ki dakò, tanpri manifeste sa.

Moun ki pa dakò, si genyen, fè menm jès la.

Nou te relve Èldè J. Devn Cornish, Timothy J. Dyches, David F. Evans, Robert C. Gay, James B. Martino, ak Terence M. Vinson kòm Swasanndis Entèrejyon epi nou akòde yo tit emerit.

Tout moun ki ta renmen eksprime rekonesans yo pou Frè sa yo ansanm ak fanmi yo pou sèvis devwe yo, , yo ka leve men yo pou yo eksprime sa.

N ap note ke Èldè Dean M. Davies, ki te mouri jou 31 Out 2021 an, t ap relve kòm yon Swasanndis Otorite Jeneral nan konferans sa a. Nou prezante Sè Davies ak fanmi an sensè kondoleyans nou epi nou eksprime apresyasyon nou pou sèvis enfatigab Èldè Davies.

Nou remake avèk apresyasyon, Swasanndis Entèrejyon yo ki te fini sèvis yo pandan ane ki sot pase a.

Tout moun ki ta renmen eksprime rekonesans yo pou frè sa yo pou sèvis remakab yo ka manifeste sa.

Yo pwopoze pou nou soutni lòt Otorite Jeneral yo, Swasanndis Entèrejyon yo—ki enkli de nouvo Swasanndis Entèrejyon nou te anonse nan kòmansman semèn sa a nan newsroom.ChurchofJesusChrist.org—ak Ofisye Jeneral yo jan yo konstitiye kounye a.

Tout moun ki dakò, tanpri manifeste sa.

Moun ki pa dakò, si genyen.

Nou remèsye nou pou lafwa nou ak lapriyè san rete nou fè anfavè dirijan Legliz yo.