Parau faataa na te aupŭpŭ hiʻopoa faufaa a te ekalesia

E te mau taeae: Te vai nei te piha toroʻa o te hiʻopoa tamau nei i te mau faanahoraa pae faufaa a te ekalesia a Iesu Mesia i te feia moʻa i te mau mahana hopea nei e, e mea taa ê te reira aupŭpŭ i te tahi atu mau aupŭpŭ no te ekalesia. Tei raro aʻe te upoo faatere no te aupŭpŭ hiʻopoa faufaa a te ekalesia i te Peresideniraa Matamua. I roto i teie aupŭpŭ, te vai nei te mau feia aravihi roa e parau tuite ta ratou no te mau ohipa hiʻopoa moni, te mau feia hiʻopoa faufaa na te ao atoa nei e te tahi atu mau taata aravihi no te mau ohipa moni.

I raro aʻe i te arataʻiraa a te Peresidenira Matamua, ua haamanahia te aupŭpŭ hiʻopoa faufaa a te ekalesia ia hiʻopoa i te mau ohipa a te mau aupŭpŭ atoa a te ekalesia na roto i te ao nei. E tiʻa ia ratou ia hiʻo i te mau parau faataaraa ohipa atoa no te pae no te feia rave ohipa, no te pae fenua e te mau fare, e i te mau faanahoraa atoa e faaohipahia nei no te taiʻoraa i te mau ô, te mau haamauʻaraa e te mau faufaa. Na te hinaaro-ore ia tupu i te fifi e faataa i te rahiraa o te taime no te faaatupu i teie mau hiʻopoaraa.

Te mau haamauʻaraa a te ekalesia i roto i te matahiti 2001, ua haamanahia te reira e te apooraa haapaʻo i te mau tufaa ahuru. Teie te mau melo no taua apooraa ra, te Peresideniraa Matamua, te Tino Ahuru Ma Piti Aposetolo, e te Episekoporaa Faatere Rahi, ia au i tei faaitehia i roto i te heheuraa. E faaotihia te mau haamauʻaraa e te aupŭpŭ haapaʻo faufaa i raro aʻe i te faatereraa a te mau tomite haapaʻo faufaa. Ua hiʻopoa-maite-hia te mau ohipa atoa no te pae faufaa.

I roto i ta matou hiʻopoaraa i te mau faufaa, ua ite te aupŭpŭ hiʻopoa faufaa a te ekalesia e, ua tano maitai ïa te faaohiparaa no te mau ô i fariihia e te mau haamauʻaraa no te hopea matahiti, 31 no titema 2001, e ua au i te mau arataʻiraa e te mau ture arataʻi a te ekalesia.

Te mau ohipa pae faufaa no te tahi mau taiete ohipa a te ekalesia, e mea taa ê to ratou faatereraa i to te ekalesia e aita te reira mau ohipa i hiʻopoahia e te aupŭpŭ hiʻopoa faufaa a te ekalesia no te matahiti 2001. Te mau taiete mai ia Deseret Management Corporation e te tahi atu mau tufaa no te reira e tae noaʼtu i te fare haapiiraa tuatoru no Brigham Young University e te tahi atu mau fare haapiiraa teitei. Tera râ, ua hiʻopoahia teie mau faanahoraa ohipa e te tahi atu mau tomite taa ê no rapae. Ua hiʻopoa atoa te aupŭpŭ hiʻopoa faufaa a te ekalesia i teie mau parau faataaraa ia tiʻa i te mau arataʻiraa.

Faaineinehia,

AUPŬPŬ HIʻOPOA FAUFAA

Wesley L. Jones

Upoo faatere

1 no eperera 2002